[A:220a]dgung la smag rum 'thibs/ /lam da ci gsal ba da lta stor/ /srog yal bar bor nas rje btsun btsal/ /dpal zhi ba bzang po dngos dang mjal/ /ma rgyud ma hA ma yA thob/ /dbyibs rnal 'byor gsum gyi don la bslabs/ /sgyu ma gsum 'khyud kyi gdam ngag thob/ /tshur log bla ma nyid kyis snga ma las bshad pa rgyas tsam gzhan khyad med pa zhig gnang / de nas gnyos dang phrad/ chos skad byas pas khong la lab rgyu ma byung / khyod kyis mahA ma yA su la bslabs zer/ ngas bla ma thar pa'i lam ston la bslabs/ de gar bzhugs/ grong khyer ser skya na'o byas/ de bla ma la zhus pas gsang mi dgos khos bgrod par mi nus gsung / der rje btsun mai tri pa'i snyan pa gsan pa dang / bla mas kyang gnang ste rgya gar shar phyogs su byon/ ri bo me ltar 'bar ba'i dur khrod dngos grub can gyi dgon par mnga' bdag mai tri pa dang mjal/ thugs rjes lhag par gzung / mtshan brjod gsan/ snying po skor gyi gdam ngag rnams gnang / des sgom pa'i lam la bogs phyung ste/ shes rab kyi pha rol tu phyin pa ji lta ba rtogs/ sa drug pa brnyes/ shar dngos grub kyi chu bo ganggA brgal/ /ri rab tu 'khrugs pa'i dur khrod kyi/ /dngos grub can gyi dgon pa ru/ /rje mnga' bdag mai tri'i zhabs la btugs/ /rgyud zab mo bstod pa glur blangs thos/ /chos phyag rgya che la rtogs pa bskyangs/ /sems dngos po'i bzhugs tshul gtan la phab/ /der char zim pa zhig byung nas bla ma gyang sna breng nge zhig na char yibs byed cing bzhugs pas/ lha khang zhig gi bya 'dabs kyi kha na bud med cig bya brun 'phyag gi 'dug bud med de'i phyags ma shod du lhung bas phar cer tshur cer bltas nas mi med pa 'dra bas steng nas lag pa nar byas nas phyags ma blangs song / su yin bltas pas jo bo mai tri pa'i mu dra yin/ chu shing gi snye ma can bya ba de 'dug de mkha' 'gro mar go nas/ de rang du gser gyi maNDYal phul nas bdag rjes su gzung 'tshal zhus pas/ gsang gdan le'u dang po'i dbang bskur/ yum bka' dang rdzogs rim chu shing gi me tog gsang gdan gyi bshad pa byung / de nas log nas nA ro pa'i spyan snga na bzhugs pa'i tshe/ khrus mdzad pas srung 'khor khwa tas khyer ba rje btsun nA ro pas sdigs mdzub mdzad pas khwa ta sa la lhung / slar bzhes de dang dus mtshungs par rgya tshad theng gsum grongs pa la thug pa byung / drag