[A:199a]chad lo lnga bzhugs par zhal gyis bzhes pa lags mod/ bdag gis gser yang ma 'grub zhus pas/ chos thams cad ni tshar/ khyod rang gser phri la phul gsung / 'brog mi'i dgongs pa la gser phri bas mi rung / tshang bar 'bul dgongs bsgrubs pas gser srang brgya ma gtogs rnyed/ brgya zur po che snga nas kyi slob ma yin pas/ kho nga la gser khur la chos 'dod na sbyin gyi shog gsungs pas khong gis phul/ khong la bsam mi khyab gnang / khong nas bla ma chen po'i bka' drin gyis kho bo'i sems phyogs nor du btang gsungs/ paNDYi ta la gser rnams phul bas mnyes nas khyod ci dga' bya yi gsungs/ gsung ngag gi lhag ma yod na rdzogs par zhig zhu byas pas/ lhag ma lus par byin pa yin lhag ma med gsungs/ gzhan ci 'dod yang yang gsungs/ gsung ngag 'di bod du gzhan la mi gsung ba zhu zhes zhu 'phul bas zhal gyis bzhes te rgya gar du gshegs ga ya dha ra phyis mgos kyi'ang spyan drangs/ de dus kyang mjal/ gyi jo zla ba'i 'od zer gyi'ang spyan drangs/ de res gnyos 'byung pos gdan drangs/ kha rag tu byon/ der bsnyung nad kyis thebs/ 'pho ba mdzad nas gshegs so/ /bla chen 'brog mi de man ngag gsungs pa'i slob ma la gzhung mi gsungs/ gzhung gsungs pa'i slob ma la man ngag mi gsung ba yin pas/ gzhung yang lnga phan la mi gsung bas rna ba drug pa chos kyis dben zer ba byung / man ngag ni re re'am gsum las mang ba la mi gnang / gnang dus dmigs pa re la tshogs 'khor re mdzad kyin gnang / gzhung tshar ba'i slob ma/ man ngag tshar ba'i slob ma/ grub thob kyi slob ma gsum las/ dang po la lha rtse'i gyi ljang dbu dkar/ shangs kyi brag rtsa se nag pa/ 'phrang 'og gi 'drang ston dkon mchog rgyal po dang 'khon dkon mchog rgyal po/ gnyis pa 'brom mdo pa ston chung / lha btsun ka li/ se mkhar chung ba/ gsum pa grub pa thob pa pho gsum/ mo bzhi/ gzhan yang rje btsun mar pa dang mgos sogs mang du byon/ bla chen la sku che ba'i yon tan gnas lnga rigs pa'i paNDYi ta yin/ bskyed rim la brtan pa thob/ lus gcig las gnyis su sprul pa dang / sbyin sreg gi thab nas yo byad len nus pa/ nam mkha' la skyil krung 'cha' ba dang / bsams na shes pa'i mngon shes yod/ 'pho ba grong 'jug byed nus pas nga'i