[A:198a]du log 'byon dgongs shar phyogs kha sarpa Ni grags che bas mjal du byon/ de dang nye ba ku ba tshal bya ba'i nags khrod na dge slong chos gos gsum lhung bzed dang bcas pa zhig shing sdong la gsil byed thug thug byed 'dug pas/ de'i ser kha nas tshur lus mi snang / lag pa rin po ches brgyan pa zhig gis bsod snyoms 'bul ba mthong / shin tu dad de rjes su 'dzin par zhus pas ci don du gnyer gsung / chos/ de'i nang nas gsang sngags don du gnyer zhus pas/ 'o na dbang bskur dgos gsung / sngar thob tshul zhus pas/ nga'i chos 'dod na nga rang gis dbang bskur dgos gsungs nas/ de'i drung du lo bzhi bzhugs/ dgyes pa rdo rje rgyud gsum/ Dombi ba'i rjes su 'brangs ba'i 'brel pa dbang sgrub thabs bsam gyis mi khyab sogs man ngag du ma dang / lam 'bras rtsa ba med pa zhig kyang gsan/ de mi thub zla ba'i dngos slob/ pradznyyA indra ru tsir bya ba/ bod skad du shes rab dbang po mdzes pa zhes zer/ gsang mtshan dpa' bo rdo rje/ /phyis myu gu lung du'ang byon/ rin chen 'bar ba brtsams gser phul ba ma bzhes/ ci la byon zhus pas bod kyi gangs lta ba yong gsungs/ lo gsum bzhugs te nyi zer la zhon nas log da lta'ang bzhugs zer/ de ltar lo bcu gsum song / stag los slob gnyer ma byas tshur mnyam du log mkhan slob bla chen la dgyes/ stag lo la khyod kyis chos mi shes pa ci yin zer/ rdo rje gdan gyi byang chub chen po la mos par byung nas skor ba byed cing bsdad zhus/ tshul khrims mgo thon pas phyis stag lo'i sde pa bzang la mang ba byung / 'brog mis myu gu lung dang lha rtse'i brag la bzhugs/ lha lcam gcig la sras indra dang rdo rje gnyis byung / skabs shig tu gnam thang dkar po bya ba na yod pa'i 'brog pas spyan drangs chos 'chad pa na/ bla ma ga ya dha ras 'phrin btang nas paNDYi ta yong gi yod pas bsu ru shog gsung / bris pas rdo rje theg par mkhas pa zhig tu dgongs te bsur byon/ mang yul gyi la der mjal/ lha rtser gdan drangs/ zla ba drug dpon slob kyi 'brel btags/ paNDYi ta lo lnga bzhugs/ lo tsA bas gser srang lnga brgya 'bul ba'i chad mdzad/ myu gu lung du spyan drangs/ gsung ngag lam 'bras gtso bor gyur pa'i chos rdzogs par gnang / lo gsum song ba dang rgya gar du 'gro gsung /