[A:188a]slong khas nyen/ bye brag tu byang chub sems dpa' khas nyen gsungs nas gnod lan ye mi mdzad/ lam sgom pa gtso bor 'don/ mdo sde rgyan dang byang sa/ bslab btus dang spyod 'jug skyes rabs dang ched du brjod pa'i tshoms drug nan tan du 'chad pas/ de dag la bka' gdams gzhung drug de nas brgyud pa la bka' gdams gzhung pa zer ro/ /slob ma gtsang na rab snang gnyis/ byang phag gnyis/ gnyal gyi glang gnyos gnyis/ dol gyi 'be rog gnyis rnams la chen po brgyad/ glang ri thang pa dang dbus kyi shar pa chen po gnyis la dbus kyi ka chen zer ro/ /glang ri thang pas glang thang btab/ tshogs pa nyis stong tsam rgyun du 'dus/ sha ra ba chen po thugs rab che bas bka' 'gyur thugs su bzhugs par grags/ tshogs pa sum stong drug brgya tsam 'dus/ bshad pa'ang gzhung lugs chen po kun la mdzad/ slob ma 'gro don nus pa mang po zhig byung ba'i gtum ston gyis snar thang btab/ khyad par bya 'chad ka ba la blo sbyong gi bka' babs/ spyan snga ba tshul khrims 'bar ni 'brom rnal 'byor ba gnyis/ dgon pa ba chen po rnams la brten bsam gtan grub pas rdzu 'phrul che/ lta ba la 'gran du med/ 'brom la sngags kyi man ngag mang po gsan/ lo dang smyug rum du bzhugs/ slob ma 'gro phan nus pa bsam gyis mi khyab/ gtso bo bya yul ba gzhon du 'od kyis bya yul gyi gnas gzhi btab/ grwa pa nyis stong re byung ba'i nang nas ting nge 'dzin skyes pa lnga brgya/ dge bshes jag rtse 'chab brgya dang bcu/ de dag gi nang nas phyi'i chen po dgu bar gyi chen po brgyad/ nang thugs kyi sras gsum zer ro/ /jo bo'i dngos slob dgon pa ba chen po ni/ rus 'dzeng / mtshan dbang phyug rgyal mtshan/ khams nas byon te jo bo myang stod nyan tshor phebs dus mjal dar yug brgya phul nas sgom gnang bar zhus pas/ jo bo'i zhal nas nga'i zan zo gsung ba la/ bdag rang la brgyags yod zhus pas/ khyod nga'i zan za na gdam ngag ster/ de lta min na mi ster gsung ba la/ de nas bzung ste jo bo'i mchod gnas mdzad/ legs par bsgoms pas gegs mang po byung ba jo bos bsal/ mngon par shes pa rgya chen po mnga'/ de la slob ma nye gnas 'grogs yun ring ba rgya yon bdag yin/ gzhan sne'u zur pa/ zhang ka ma la/ gnyan lha mo ba/ 'bro ko de lung bzhi la dgon gyi