[A:33a] khyi'i lo/ gong lo dgu bcu gzhes dus phar phyin tshar gcig gsungs/ go gcig pa la bka' 'bum dang/ go gnyis pa la'ang gung ru rgyal bzangs pas gtsos pa dus 'khor rgyud 'grel gsungs/ chos phran brtsams pa dang/ gsungs pa ni tshad med la/ go gnyis pa'i dus byi ba'i lo'i zla ba dgu pa la che rtog phreng rgyud kyi Tikka'i rtsom gzhi mchod rjod gcig kyang mdzad 'dug/ Tikka ngo bo ma grub pa ni/ yi ge pas 'thegs pa ma stor/ rje rin po che nyid ni skel ba mi mnga' ba'i chogs rnams thob pa dang/ lha'i mig gi mngon shes dang ldan pas/ drung na yod pa rnams kyis da spyan gyis mi gzigs zhus na ma rtogs/ sa rib nas kyang phyag dpe gzigs pa la thogs pa med pa dang/ rtsol grub mi mnga' ba'i phyir ro/ des na la la la de yod de/ la la la de med/ des na khyed stobs mnyam/ rtsal mnyam/ bang mnyam pa gang kyang yod par ma mthong pa'i phyir ro/ des na/ rgya gar rgya nag bal po'i yul dang/ gangs ri'i ljongs dang sa gsum gang na'ang/ khyod dang mtshungs pa'i mkhas grub gzhan med ces/ lha mi kun gyis khyod nyid mchod la 'dud/ ces phyag 'tshal ba yin no/ lha rnams kyis dus dus su me tog gi char 'bebs/ spos kyi dri 'bul/ rol mo'i sgra sgrog/ mi rnams kyis ni rang la gang yod kyi 'byor pas mnyes par byed/ klu rnams ni bka' ji ltar bgo ba bzhin/ char btong pa dang/ skyes 'bul ba'ang yod de/ klu'i bu dang bu mo dang/ rgya mtsho'i mtha'i sbu ba dang/ rus sbal dang/ 'brug gi rus pa las grub pa'i phreng ba dang/ rin po che'i bye brag/ padma ra ga dang/ inDa ni la dang/ mar gad dang/ kar ke ta dang/ pu ga dang/ mal shel dang/ mu tig dang / ga pu dang gser la sogs pa ltos med du 'bab par