[A:25a] nas byon pas/ yin par ngo mkhyen/ de nas yum dang phral/ rtogs ldan shag 'od pa bu rdzi la bkos zla ba gnyis song pa na/ rtogs ldan pa'i dog pa la/ 'di nga'i bla ma de yin na dang / zhabs tog byed rin chog/ gal te min na/ nga rtags ldan rgad bu gcig 'di 'dra gcig tu gzhag nas snyam pa byung pa dang/ bu chung gis mkhyen te/ he gsung nas nyi grib mtshams la gzims yod pa de hor gyis gzhengs/ yar rgyu'i gyang lebs gcig la zhabs sa la ma reg par 'byon gin 'dug pa dang/ thugs 'ur nas de ci yin nam/ zhus pa na/ 'gro ba yin mod gsung/ khyod su yin byas pas/ shangs la 'dzub mo btsugs nas karma spa shi/ rang byung rdo rje/ rol pa'i rdo rje/ dus gsum mkhyen pa gsung nas / gzims song skad/ 'di rtogs ldan shag 'od pas rje rin po che la dngos su zhus par gda'/ de'i don ni/ ltams nas bsil zer byed pa bzhi pa la/ dus gsum mkhyen pa karma spa shi dang/ rang byung rdo rje rol pa'i rdo rje zhes/ gsal bar zhal gyis gzhes la phyag 'tshal lo/ zhes so/ de nas gung lo lnga gzhes pa'i dus/ chos rje'i drung nas/ slob dpon chen po bu'i yab yum pa'i drung nas/ nye gnas kyi gtso mdzad/ rtogs ldan ye shes dpal ba sogs pa'i rnal 'byor gyi dbang phyug rnams dang/ tshur phu dang karma'i rin po la sogs pa/ gdan sa gong 'og gam bla ma che btsun rnams dang/ gzhan yang/ nga che nga bzang/ nga btsun gyi skyes chen mang po 'tshogs/ de thams cad re re bzhin ngas bla ma gang na yod zhus pa na/ nyi ma nub phyogs na yod/ da lta zhal yang nga rang la bstan/ nam za'ang 'di 'dra gsol gsung nas/ tsham tshe mgo 'jug blog nas gzhes/ mtshan yang bsod nams/