[A:24a] yang nga'i zhal mthong bas ngan song du mi 'gro ba yin/ tshur phu dang rgyal po'i pho brang du'ang 'gro dgos/ nga'i gdul bya dpag tu med pa sogs yod gsung ba dang/ yang drung nas karma spa shi yin na/ rang byung rdo rje yin nam zhus pas/ de gnyis khyad med/ karma pa rang yin de gnyis su'ang ma bshad gsung/ de nas rim gyis brag gi bar khad du byon/ 'gro mgon la gtsug lag khang gi sgo phye gsung nas nang du byon/ chos rje'i sku 'dra la phyag mdzad/ phe bo khams bzang ngam gsung/ gzhan rnams la'ang phyag mdzad de/ phyag dang zhes sa'i mchod pa 'bul zhes gsung/ 'gro mgon la khyod kyi lag na nga'i zhabs rjes yod pa khyer shog gsung/ rdo rje'i zhabs rjes phul bas/ 'di min nga rang gi de khyer shog gsung/ de'i tshe lha khang gi rgya mthongs la rgya bres yod pa'i sted du byon de/ ngo mtshar ba'i rdzu 'phrul bstan/ dbu zha dang zhabs rjes gnyis ka phul bas mnyes nas/ ngo shes sam gsung/ mi shes lags zhus pas/ dus gsum mkhyen pa yang nga yin/
karma spa shi'ang nga yin/
rgya yul du phyin nas hor sog btul ba yang nga yin/ da rung 'dul 'phro yod/ sprin gyi mthongs nas bstan pa yang nga/ seng ge'i steng nas ston pa dang/ glang po che dang/ nyi ma dang/ zla ba'i steng na 'dug pa yang nga yin/ nga'i bla ma stong pa nyid yin/ khyed rnams kyis bla ma nga yin/ nga la sprul pa dbar gsum yod/ gcig byang chub sems dpa' blo gros rin chen gyi drung na/ gcig shar phyogs mngon par dga' ba na/ gcig 'dzam bu gling 'dir nga rang 'ongs pa yin/ zhes sogs gsungs pa na/ 'o na rnam thar gcig gsung par zhu zhus pa'i lan du/ bar do'i rnam thar nyung shas shig gsungs/ yang