[A:23b] gcig rang yod pa e yin/ skabs su tsha bshags rang byed pas byung zer/ de dran gsung/ yum la dris pas kyang / de kho na ltar lags zhu yi 'dug/ khyod gnyis rje karma pa dang 'jal e myong gsung pas/ lha sar 'gro zhor gcig la 'tshur phur 'jal/ nged gnyis la gos re gnang/ da gzod khyed gnyis la gnas 'dir dbyar dgos gsung/ bu chung 'di khong pa zhus pa med lags zer/ de nas o rgyan pa la/ nga'i zha dang dpe cha de thong/ sngar ngas khyod la bshad pa yin/ da khyod kyis nga'i lus 'di ma tshar gyi bar la mgo 'don kyang gyis gsung nas/ u rgyan pa la sku gsum ngo sprod kyi lung gsan/ sangs rgyas dgon sa sogs kyis 'jal du byon pa'ang mkhyen nas/ thams cad chos rje gong ma'i sku skye yin par yid ches/ mtha' yas pa'i gdul bya rnams smin grol la bkod de/ rnam thar bsam gyis mi khyab pa rnams 'dir rgyas par ma bris pa lags/ de'i phyi ma gar 'byon zhes/ ta'i ban gu shris chos rje mya ngan las 'da' kha ma'i tshe na nan cher zhus/ bdag kyang der skye bar smon lam 'debs pa yin/ sa phyogs 'dir 'byon gyi nges pa cis kyang thugs rjes 'dzin par zhu ces/ de tsam kho bo la mos na/ kho bo shar phyogs kong po'i rgyal khams su 'ong gsung/ de dang rjes su mthun par/ myang por byon pa'i tshe/ karma pa rol pa'i rdo rje gong lo gsum gzhes pa na/ yum la gsungs pa/ nga karma pa shi'i skye ba yin/ 'dzam bu'i gling 'dir gdul bya 'dul rgyu mang po yod/ de'i phyir 'ongs pa yin/ khyod rang ltos shig gsung nas/ 'chi med kyi 'phrul 'khor mdzad/ nga khyod kyi lus la yod pa
'i dus
nas 'phrul 'khor byas pas/ khyod 'phar ba dang sprug pa sogs byung pa yin mod/ 'di lta bu'i rgyu mtshan da dung pha la'ang ma bshad ces bka' gdams so/