[A:22b] nus pa 'dran pa re'ang mdzad/ yang u rgyan pa la/ rje'i zhal nas/ e u rgyan pa khyod/ nga'i sar mi yong par/ sil ma la la 'byon 'dod cing snang re/ stag gru kha nas nga'i byang chub kyi sems dang/ dpal bo dang mkha' 'gro chos skyong dang / rdo rje rgyal po rnams kyis rang dbang med par dbang du bsdus pa yin e go gsung/ yang karma pa'i gsung gis/ dge bshes dbang skyabs/ chos skyong la gtor ma thong / rnga rdungs dung bus/ a rings thon la/ u rgyan pa 'dir byon yod pas/ tshur phu na ran ta yod pa thams cad dga' ba bsgoms/ 'bul ba gyis chos zhus gsung/ u rgyan pa dpon slob rnams kyis/ karma pa'i gzigs khang gi brten gsum la ltas pas/ karma pa'i zhal nas u rgyan pa'i slob ma kha 'khyags tsho/ ci la lta/ lta na bla ma'i zhal la ltos/ nged kyi zhwa nag 'di o rgyan pa la dkon/ spyan ras gzigs rgyal ba rgya mtsho'i dbang byed pa yin gsung nas/ ka to ra nas kyis bkang na la sba lcags gtsug nas dbu thog du gzhag te/ phyag lcag dang bcas pa phyag du btad de/ thugs nur mdzad nas 'di gsung/ 'o kol gnyis skye ba du ma'i dpon slob yin/ nga'i mgo 'don kyang khyod kyis byed dgos/ khyod kyi gdul bya nyi ma lho rgyud na yod pas/ der nga'i rgyal ba rgya mtsho dang/ snying po yi ge drug pa dang/ sku gsum ngo sprod kyis 'gro don mdzad de/ dge bsnyen rdo rje rgyal pos kyang u rgyan pa'i phrin las bsgrubs gsung/ de dus o rgyan pa'i dgongs pa la/ nga'i mgo 'don khyod kyis byed dgos gsung pa 'di ci yin na dgongs pa'ang byung/ karma pa'i drung du u rgyan pas/ khyod kyi rgyud pa 'di la zha nag can du 'byon zhus pas/ gya pa gangs pas gu ba byas/ de'i skye mched la brten nas zha
nag
po can gyi rgyud pa bcad/ 'on kyang