[A:16b] ma 'jog/ tshig gzhug de yi ma mtha' thug med 'gyur/ sbad 'dre de yi nus pa de ltar bas/ byad mkhan 'ga' zhig tsab tsub langs pa'ang bden/ zhes pa bris nas yod tsa na/ slob dpon shag yon na re/ 'di 'dra mdzad na rgya ches 'gro/ mi thad zer/ de nas yi ge bsdus pa yin gsung/ gzhan yang rtsod pa byas pa la pham pa 'ong ma myong gsung ste/ rnam grangs mang bar 'dug na'ang yi ge mangs pas 'jigs nas ma bris pa lags/ dbang bzhi'i dam tshig stobs ldan glang chen phyibs/ rim gnyis go bgos brtson 'grus shugs kyis bskyod/ bdud bzhi'i g.yul las rgyal ba'i dpa' bo che/ dbang bcu mnga' brnyes chos rje'i zhabs la 'dud/ de'ang/ gsang sngags phyi nang gi gdams pa thob pa'i bla ma bsam gyis mi khyab pa mang bar yod na'ang/ de rnams kyi nang nas/ kun mkhyen bde legs dpal ba'i drung du/ a bha ya'i rdo rje phreng ba la/ 'jam rdor lha nyer dgu/ lha bcu dgu ma/ 'phags lugs lha gsum bcu rtsa gnyis/ rdor sems lha so bdun/ kye rdor phyag gnyis pa/ phyag bzhi pa/ phyag drug pa/ zhal brgyad phyag bcu drug pa/ bdag med lha nyer lnga pa/ bco lnga pa/ ku ru ku le'i lha mo bco lnga/ rdo rje bdud rtsi lha nyer gcig/ hrUM mdzad lha nyer lnga/ khro bo bdud rtsi lha nyer lnga/ bdud rtsi 'khyil pa lha bcu gsum/ yang kye'i rdo rje zhal brgyad phyag bcu drug pa/ zhal gcig phyag bzhi pa/ zhal gsum phyag drug rnams/ lha mo brgyad kyis bskor ba/ ma hA ma yA lha lnga/ sangs rgyas thod pa lha dgu/ hUM mdzad lha bcu gcig/ 'jam rdor dang/ rdor sems khroo'o bcus bskor ba/ bde mchog zhal bzhi phyag bcu gnyis pa/ zhal gcig phyag gnyis pa/ yang zhal gcig phyag gnyis pa/ phag mo zhal gnyis ma/ zhal gcig ma gnyis/ lha so bdun gyis bskor ba/ dpal he ru ka lha nyer lnga/ dpal rnal 'byor nam mkha'/ gshin rje lha bcu gsum/ sgrol la lha nyer dgu/ 'od zer can lha nyer lnga/