[A:534] ཀླུའི་བྱང་ཆུབ་ཀྱིས་མཛད་པའི་རོ་སྲེག་གི་ཆོ་ག འཕྲུལ་འཁོར་གྱི་ཆོ་ག་དང༌། ལ་ལི་ཏ་བཛྲས་མཛད་པའི་མཆོད་རྟེན་གྱི་ཆོ་ག་རྒྱས་པ་དང༌། བསྡུས་པ་དང༌། སྲུང་བའི་འཁོར་ལོའི་ཆོ་ག་རྣམས་ཐོས་སོ།།
།།ཡང་པཎྜི་ཏ་བི་བྷཱུ་ཏི་ཙནྡྲ་ལས་བརྒྱུད་དེ་འོངས་པའི་སློབ་དཔོན་ལ་ལི་ཏ་བཛྲས་མཛད་པའི་རྡོ་རྗེ་འཇིགས་བྱེད་ཀྱི་དཀྱིལ་འཁོར་གྱི་ཆོ་ག ཨ་མོ་གྷ་བཛྲས་མཛད་པའི་རྡོ་རྗེ་འཇིགས་བྱེད་ཀྱི་སྒྲུབ་པའི་ཐབས། སློབ་དཔོན་ཡེ་ཤེས་འབྱུང་གནས་སྦས་པས་མཛད་པའི་སྒྲུབ་ཐབས། སློབ་དཔོན་ལ་ལི་ཏ་བཛྲས་མཛད་པའི་མཎྜལ་གྱི་ཆོ་ག་རྣམས་ཐོས་སོ། །ཡང་ཨུརྻན་གྱི་སློབ་དཔོན་པདྨ་སམྦྷ་ཝ་ལས་བྱུང་ཞིང་སོ་སོའི་ལུགས་སུ་གྲགས་པ། སྒྱུ་འཕྲུལ་མཐའ་དག་གི་རྩ་རྒྱུད་དུ་གྱུར་པ། གསང་བའི་སྙིང་པོའི་རྒྱུད། དཀྱིལ་འཁོར་གྱི་ཆོ་ག་དབང་རྡོ་རྗེ་ལས་ཀྱི་རིམ་པ་སྒྲུབ་པའི་ཐབས། སྒྱུ་འཕྲུལ་ལམ་གྱི་རིམ་པ། ཞི་བའི་ལྷ་བུདྡྷ་བཞི་བཅུ་རྩ་གཉིས་ཀྱི་སྒྲུབ་པའི་ཐབས་རིན་པོ་ཆེའི་དྲ་བ།
ཁྲོ་བོ་ལྔ་བཅུ་རྩ་བརྒྱད་ཀྱི་སྒྲུབ་པའི་ཐབས་དམ་པ་རྒྱན་ཞེས་བྱ་བ་རྣམས་ཐོས་སོ།། །།ཡང་སློབ་དཔོན་པདྨ་འབྱུང་གནས་དེ་ཉིད་ལས་བརྒྱུད་པའི་རྡོ་རྗེ་ཕུར་པའི་དཀྱིལ་འཁོར་དུ་དབང་བསྐུར་ཞུས་ནས། ཕུར་པ་རྩ་ཐུང་དང་དེའི་དཀྱིལ་འཁོར་གྱི་ཆོ་ག་སློབ་དཔོན་དེ་ཉིད་ཀྱིས་མཛད་པ་དང༌། སྒྲུབ་པའི་ཐབས་ཕྲིན་ལས་དང་བཅས་པ་རྣམས་ཐོས་སོ།། །། བླ་མ་བ་རི་ལོ་ཙཱ་བ། དབུས་པ་ཟི་སྟོན། བླ་མ་གནང༌། གཏུམ་སྟོན་བློ་གྲོས་གྲགས། བླ་མ་ལྷ་རྗེ་ལས་བརྒྱུད་པ། རྡོ་རྗེ་རྣམ་པར་འཇོམས་པའི་རིག་པ་གཏད་པའི་ཆོ་ག་ཞུས་ནས་དེའི་སྒྲུབ་ཐབས་ཡན་ལག་དང་བཅས་པ་ཐོས་སོ།། །།ཡང་བླ་མ་བ་རི་བ་ནས་བརྒྱུད་པ། བསྲུང་བ་ལྔའི་རིག་པ་གཏད་པའི་ཆོ་ག་ཞུས་ནས་དེའི་སྒྲུབ་ཐབས་ཡན་ལག་དང་བཅས་པ་ཐོས་སོ།།
།།རྒྱལ་བུ་སྤྲིན་གྱི་ཤུགས་ཅན་