[A:51]nyams len chabs gcig par mdzad pa de'i tshe/ bskyed rdzogs gnyis las/ rdzogs rim gyi nyams len gtso che ba dang/ de las kyang gsang dbang gi nyams len gtso che ba yin zhes gsung la/ de yang mnyam gzhag tu tsaNDa li'i dmigs bskor bco brgyad dang/ rjes thob phrin las sum cu rtsa gnyis zla ba lnga drug re tsam rgyun mi chad pa/ lo gnyis su mdzad pas/ de'i yon tan/ phyi ltar na/ dbyar dgun thams cad du ras rkyang thub pa ni dus de nas mya ngan las 'da' ka'i bar du yin la/ nang ltar na/ rlung kha sbyor gcig gis snga dro re tsam thub pa dang/ bde stong gi ting nge 'dzin la zhag re tsam 'byams pa byung zhes pa ni rje nyid kyi gsung yin la/ gsung de la dpags na/ rje btsun sa skya pa rnams bzhed pa'i gsang sngags bla med lugs kyi mtshon byed dpe'i ye shes thugs rgyud la 'khrungs par gdon mi 'tshal lo//
2.1.2.2
gnyis pa ni/ dol 'tshal min du/ sor bsdud kyi dmigs pa la mun khang zla ba gsum dang/ zhag drug bdun re na dmigs pa thengs re len par mdzad pa de'i tshe/ sngon nyid nas rlung dang gtum mo la rtsal 'byongs pa yod pa de'i stobs kyis thog ma nyid nas bsgom la spro zhing/ lus gnad shin tu bde ba dang/ mtshal ma'i thun mtshams ma rtogs lus gnad gcig la gnas thub pa dang/ nyin snang dang/ mtshan snang gi rtags phal cher rdzogs par shar byung gsung/ gsung de la dpags na snang ba de chos sku dngos su ngo sprod pa dang/ mtshon byed dpe'i ye shes su ngo sprod pa gnyis yod kyang/ sku rdo rje'i ting nge 'dzin la rtsal 'byongs pa yin no//
ji skad smos pa de dag ni/ mkhyen pa'i yon tan yin la/
2.2
thabs brtse ba'i yon tan ni/ byang chub kyi mchog tu thugs bskyed nas de las nyams pa ni skad cig kyang mi mnga' la/ dus rtag tu sbyor ba pha rol tu phyin pa drug gi nyams len dang mi 'bral ba'i phyir na/ drug po'i 'gal zla la