[A:54]sdod mang ja 'ur chil ba yong gsung nas bsdad pa 'di la dgongs par snang gsung/ der paN chen rin po che nyid dgung lo nyi shu rtsa bzhir phebs pa
gnas su lcags pho/?
chu mo lugs gi lo shar ba kun mkhyen rong ston chen po'i dgung zhag rnams rdzogs rjes rang/ rje don yod dpal ba dpon slob rags bsdus cig gtsang la ngor tshor bka' chos gsan pa la thegs/ der gang gi sgo nas kyang yid skyo ba rang gi bshad nyan gyi snang ba yang nub pa 'dra'i skabs der/ glang thang nas spyan snga yon tan rgyal mtshan pa'i bka' lung las/ nged chos sdings rin po che pa la lam 'bras cig zhur 'gro ba yin/ sku chas sogs gang dgos phyag phyi bsgrub cing/ da res cis kyang byon gsung ba'i skul 'debs gnang bas yid drangs nas phyin/ de'i dpyid nas ston barde'i dpyid nas ston ston par chos sdings rang du bsdad/ theg chen chos kyi rgyal po nas brgyud pa'i lam 'bras cha lag yongs rdzogs ma lus par thob/ gzhung bshad man ngag gi gter mdzod kyi dpe rgyugs spyang lung rin po che nyid la 'phrag ga non phul rjes/ gnas sgo nas dge rgan seng ge rgyal mtshan sogs kyis gros don byas/ gtsang phyogs la dus mchod 'bul bsdud la phyin pas/ yar lam rje don yod dpal ba/ dpal nam sga gdong na/ kun mkhyen chos skyabs dpal bzang ba'i drung na khong rang gis mdzad pa'i sdom gsum TI ka che chung gi bshad pa rdzogs pa'i chos rje gzhon nu seng ge ba'i TI ka de'i lung gi dbu tshugs tsam la slebs/ der ngal gsoso dang rje don yod dpal ba'i drung du bka' gros zhu ched sogs la bsdad/ khong dpon slob rnams dang lhan cig nged shar nas yongs pa rnams kyis lung 'phro rdzogs par zhus shing/ 'jam dbyangs rin rgyal ba nas brgyud pa'i 'jam dpal smra seng rje btsun dam pa rgya gar ba'i khyad chos de'i rjes gnang sgrub skor yang zhus/ der rje'i bslab