[A:23]gyi grub mtha'i nang sel 'byed pa'i spobs pa sgo thog ma 'di nas skyes gsung zhing/ paN chen rin po che nyid kyi dngos slob drung btsun bzang po brtan par grags pa spyir sngags mtshan nyid gnyis kyang gzhi lam 'bras gsum mtshan nyid lhag/ sa rngog gnyis po yang rngog lo ches khyad par du 'phags tshad ma yang rnam 'grel nges gnyis las/ rnam nges nyid mchog yin zhes gsung ba zhig mnga' ris na yod pa des/ bdag rnam 'grel gyi gzhung 'dzin dus khong gis dngos las thos pa'i tshig 'di dag mnga' ris su bshad pa las so//
de nas 'phral rdo g.yam sogs dang/ shog yan gang rnyed la phyag bris kyis/
blo bzang mkhyen pa'i nyi 'od gsal na yang//
grags pa'i rjes su 'khyog pa'i gya gyu mkhan//
bstan pa'i pad tshal 'byed par mngon brtson khyed//
drang nges 'dab brgya'i ge sar 'byed nus sam//
gsung ba 'di lta bus mtshon pa'i gzhan gzhung la zur za ba'i tshigs su bcad pa'i rtsom pa yang phyag dal res gnang bar grags shing/ rnam thar rdor rgyal mar yang zur tsam 'di thad bkod 'dug go//
de tsam gyi dus na rngog lo tsa ba'i bka' srungs su gyur pa/ dpal gsang ne'u thog gi gnyer gtad/ gnod sbyin chen po bse'i khrab can dang/ lha mo nam mkha'i gos can mas kyang srung zhing skyong ba'i dge mtshan dang ldan pa zhig ste/ de dus gsang phu spyi dang lhag par gnas sgo grwa tshang du tshad rims kyi rnam pa zhig mched nas/ rje don yod dpal ba'i dbon po'i cha tsam yang yin pa/ byang pa rin grub legs bzang zer ba dang/ spo ra ba 'jigs med 'od zer/ bzang ldan pa shes rab don ldan sogs slob gnyer ba gtses pa 'ga' yangyar gshegs/ grwa pa byin la yang bsnyung mi mang bar byung skabs/ paN chen nyid sku shin tu na tshod phra ba dgung lo bcu gnyis kyi dus de yin kyang/ snying rjes gzhan dbang gi nad pa dag gi khams 'dri dang/ sman ster ba'i bdag gnyer