[A:213]'jam dbyangs pa/ rgyal tshab kun spangs?dpang pa rnams kyi gdung tsha gser chu ma rten grangs re phul ba yang re re la re re bzhugs shes de dus nang bzhugs kyi phyag g.yog pa dbu legs dge slong kun dga' chos dpal ba las thos so//
der rten mthar phyin nas bla bre khyad 'phags dang/ rdo rje 'chang gi sku mdun rgya dril dang/ zur po che'i li thod stegs bcas/ gzhan brgyud pa kun la rgya'i rdo rje dril bu/ mus rdo'i ka pA la kha gcod dang bcas la rgya ma bas phul ba'i lam 'bras bsi thang de kun bla ma so so'i rgyab tu khrom/ de brgyud pa theg chen lugs yin pas brgyud pa gnyis ldan yags po rang cig yod gsung nas logs la bkrams shing/ der gye rdo rje'i ras bris la brten pa'i rab gnas mdzad skabs/ sgrol ma'i sku'i phyag tu li bum chung chung cig bzo khyad du phul nas yod pa la phyag mdzub btsugs/ da res sgrol ma'i phyag gi bum pa bdud rtsi stong pa de re bden/ zhes tshig sgra dman pa'i skabs der/ kong po nas rgyal dbang chos grags rgya mtsho stag lo de nyid vc: 1506kyi zla ba dang po'i tshes bcu bzhi la zhing brjes/ de bar nye ring yongs la gsang ba'i gsang brtol gyi mang ja zhu mi yang slebs pas thugs lhag par 'byung zhing/ yas gtam dpe bral shugs ring dang bcas pas bsngo ba gnang/ de lo drung nas lha btsun pa'i drung yang zhing brjes/ dbu thod logs la kyai rdo rje zhal brgyad phyag bcu drug pa'i sku gsal bar byon pa'i gzigs 'bul byas pas/ thugs lhag par ches