[A:179]te grags pas 'dzam gling ma lus pa khyab par gyur la/ phyis paN chen rin po che'i zhal slob che phra yongs kyis bla mar bkur zhing zhabs kyi padmo spyi bos mchod par bgyid do//
slar paN chen rin po che dgung lo bdun cu don lnga'i skabs su phebs dus kyang glang thang tshor mjal ba la phebs/ lam skor phyi ma brgyad gsan zhing/ bsdus don gyi yi ge yang zhus/ de dus drung chen sangs rgyas seng ge ba dang drung yig chos rgyan pa sogs phyag g.yog kun la byin rlabs zhu ba gnang zhes brdzun med las thos so//
tshul gnas thos pa'i lang tsho rgyas pa'i bzhin//
chos can dag pa'i dbyings kyi mdza' bo pa//
legs bshad gtam gyi skyes la mngon sum du//
dga' ba'i mdzum mdangs mi g.yo srid 'dir su//
chen po'i khengs pas slob gnas spangs pa'i dpe//
rgya chen yi ge'i ngal bas yid g.yengs pa//
sna tshogs rang gzhan brjod tshig 'khrul pa'i blo'i//
mun pa'i glong de mkhas pa'i sgron mes bsal//
yig 'bru'i tshogs pas sems mgu dregs ldan rnams//
lung rigs gzhal byas dpyad tshe smra ba bral//
ci lab khungs kyis phongs pa'i zol sbyor ni//
bsgrubs la gzhol bar 'dod pa'i tshigvc: or: chig?gis sgrib//
dpyod ldan rigs pa'i mtshon cha'i 'khor lo pa//
lung tshig brtson pa'i chos grwa cher bzhugs nas//
rnam 'gyur mi 'dra'i rang gzhan grub mtha'i srol//
dgag bsgrub tshul brgya shes de mkhas pa yin//
bsgrub dang sun 'byin rigs pa'i na ngo pa//
gsang sngags bzlas pa'i nus mthu mngon gyur pa//
gnas don phyag rgya che la dbang bsgyur ba//
khyed la mtshan du ji ltar sbyor ma shes//
rgya chen gtsug lag rgyal ba'i sku gzugs dag//
dpe bral bsgrubs pa'i mdzad pas skye dgu tshim//