[A:175]po mi mkhas ri'i dbu bsnyung bzhes pas/ der bzhugs yo thugs lhag par mdzangs pa rang zhig gi ngang la gyes/ der de'i snga dro'i stengs su mkhas pa don yod pas paN chen rin po che'i drung du byon nas gsol ba'i phyags phyi gnang/ gsol ba grub 'phral gsol rting ma'i gsol ja'i steng du/ nang pa rje rong pa yang byon byung bas mdang gi skyor zlos byas// khyed mnga' ris kyi chu ku co 'don sa nas yongs pa tsho la zhed do zer ba la/ paN chen rin po che'i drung gis bka' bkyon mdzad/ rang phal pa nang gi kha 'chal yul gnyen po la spob tol byed pa ha rang che/ ngas rgyal khams chu bzhin bskor yang dpon g.yog gi shan phyed pa glo bo smon thang rang gcig por 'dug go/ mkhas btsun dpal 'byor ba zer ba de kun pa'i thugs la 'dul ba lung bzhugs zer bas/ chos rje pa gsung ba yang mad mod/ rang re'i 'di na mdo rtsa'i mgo zhabs gtsang seng ge ba yang blo la thon pa yang dka' bar 'dug go// 'on kyang sngon slob dpon mi nyag pa'i blo la 'dul ba rgya cher 'grel byang po yod pas nga rgyal/ nged rang la drung pa chos rjer 'bod pas/ 'dul ba rang la nga rang mkhas snyam nas nyan dus/ drung pa chos rje'i bshad pa de thos tsa na nga'i blo'i rgya cher 'grel de yi ge nag tham tham der red zer/ da gzod nged rang la dag pa 'drongs pa yin no// dpe de bzhin lung sde bzhi yang yi ger ka bzhugs las che na'ang/ rgyal ba'i bka' dri ma med pa thugs la mnga' ba ngo mtshar to// gsung zhes mkhas pa chen po don yod pa las dngos su thos so//
der nai gu'i khrid kyi gsol btab dang/ da lta'i nai gu'i brgyud 'debs 'di yang chos rje blo gros rgyal mtshan pas ka de dus gsol ba btab nas gnang ba yin no//
khrid la rje drung gting skyes nas