[A:172]so drug gis/ ka chen nyi shu rtsa bzhis bteg pa yang legs par grub bo//
rab sbyangs mkhyen pa'i shing rta'i kha lo pas//
nyer drangs yongs rdzogs bstan pa'i nyin byed ni//
gdul bya gling bzhi mun sel dbang po'i tshul//
rang rang skal ba'i pad tshal 'byed par mdzad//
rab brtse'i dkyil 'khor rgyas pa dag pa'i thugs//
kun la snyoms pa'i phan dgongs bsil zer can//
ring nas dad pa'i ku mud rgyas pa'i gnyen//
ma 'dris lus can yongs kyi blo mig gsal//
rgyu skar bye bas bskor ba'i zla ba bzhin//
bdag nyid chen po slob ma'i tshogs dang bcas//
klongglong? yangs dbus gtsang dag pa'i zhing khams 'dir//
'gag med yongs kyi gtsug na sa ler bzhugs//
gang dag gang ba'i yid mtsho rnyog bral bar//
khyod sku sras bcas chu mtshor rgyu skar dpe//
yangs dog spangs pa'i snang ba'i gzugs brnyan ni//
phyi nang rten cing 'brel 'byung ngo mtshar rmad//
rab bkra chos kyi spyan yangs gzigs pa'i yul//
rab 'byams rgyal ba'i gsung mdzod ma lus pa'i//
rab phra'i gnas la'ang thags thogs ma mchis pas//
rab mchog mkhyen pa'i rtser son khyod zhabs mchod//
ces paNDi ta chen po shAkya mchog ldan dri med legs pa'i blo gros kyi rnam par thar pa zhib mo rnam par 'byed pa las// bsngags par 'os pa'i cha shas 'ga' zhig las rjes su bsgrags pa'i rab tu byed pa nyi shu pa'o//
Chapter 21: mkhas pa dang grub pa'i dpal 'dzin pa'i skabs
de nas dgung lo drug cu re lnga'i stengs su phebs pa chu pho byi ba vc: 1492la gtsug lag khang dang 'du khang sogs kyi gyeng ris rnams sman thang pa yab sras rnam kyis bsgrubs te/ mdo bkod dang ltung bshags kyi sangs rgyas so lnga/ sman bla'i bde gshegs 'khor bcas sogs sangs rgyas byang sems 'ba'