[A:158]rje don yod dpal ba'i tshad ma'i TI ka gnyis rang res de snga yan la tshar lnga bcu lhag re lce thog nas song yod do gsung zhing/ de phyin kun bzang rol mtsho nyid gnang ngo//
TI ka 'di la phyis kyi mkhas pa rab 'byams gzhung lugs brgya par grags pa ste chos rje dngos grub dpal 'bar ba dang/ lcags zangs rab 'byams pa bsod nams dpal ldan pa gnyis ka zhal mthun par shAka TIka tu mtshan gsol nas che bstod bsngags gsum brjod pa dang bcas 'di stengs nas 'chad nyan gnang nges yin no zhes kyang grag go//
de'i phyi lo vc: 1489dgung lo re gnyis sa mo bya lo'i skabs su sngar gyi mtshan ltas ltar gzhan ngor spyan mi gsal ba'i tshul bstan zhing/ de yang thad sor gzigs pas mi ngo bde blag tu mi dgongs par spyan tshab pas brda' sbyor 'bul dgos shing/ yang sku'i mdun ngos kyi dngos spyad phra ba yang gzigs pa zhig yod pas/ de skabs bkra shis brtsegs pa'i nyi grib mtshams na bzhugs pa gnang ba la/ rgya bar mda' dpon pas sku drung du byon/ sgo gseng nas ga le bltas pas/ paN chen rin po che nyi shur la bzhugs pa'i sku pang na na bza' la spu yod pa phyir phyag gis gsol ba gnang gin 'dug pa mthong rjes/ nang du thal 'ongs phyag phul bas de su yin gsung ba la/ khong gis yon mchod thugs snang dag pa'i shags ka phul te/ bdag spu las phra ba de yin zhus zer ro//
de lo lugs gnyis rnam 'byed kyi 'grel pa de'i thugs rtsom dang/ snga phyir dbu ma'i lta khrid che chung/ byang chub sems 'grel/ chos dbyings bstod pa rnams kyi 'grel bshad/ springs yig bdud rtsi'i thigs pa'i 'grel pa dang/ springs yig tshangs pa'i 'khor lo'i nges don la bdud rtsi thigs pa sogs kyang rim par gnang/ de skabs drung nas chos kyi bzang po bas gsol ja la spyan 'dren