[A:454]dpal grub/ mkhyen rab rje/ 'jam dbyangs chos rje/ rje don yod rgyal mtshan man gong 'dra/ rnam sras zhi drag gi bstod pa thugs sras rin chen rnam rgyal gyis mdzad pa'i yi ge ma mo las spel ba gnyis kyi lung thob pa'i brgyud pa ni/ thugs sras rin po che man gong 'dra'o/ /
! mnyam med ri bo dga' ldan pa'i bka' 'bum skor nas rje btsun tsong kha pa chen po blo bzang grags pa'i dpal gyis mdzad pa'i lam gyi gtso bo rnam gsum bsdus pa'i lung thob pa'i brgyud pa ni/ slar bri/ thams cad mkhyen pa dge 'dun rgya mtsho'i bka' 'bum nas drang nges rnam 'byed kyi dka' 'grel/ mtshan brjod TI ka / sgrol ma rtsa gcig TI ka rnams kyi lung brgyud ni/ thams cad mkhyen pa dge 'dun rgya mtsho/ se ra rje btsun chos kyi rgyal mtshan/ dga' ldan khri pa/ dge 'dun rgyal mtshan/ paN chen rin po che blo bzang chos kyi rgyal mtshan/ rgyal dbang thams cad mkhyen pa blo bzang rgya mtsho/ rje ngag dbang blo bzang / mkhan chen sbyin pa rgya mtsho/ des bdag la dgyes pa chen pos stsal lo/
! /hrIH dus gsum gyi rgyal ba ma lus pa'i thugs rje'i ngo bo thams cad mkhyen pa ngag dbang blo bzang rgya mtsho 'jigs med go cha thub bstan lang tsho'i sde'i bka' 'bum mthong grol chen mo nas pusta ka bcu gsum tsam gyi lung thos pa'i chos tshan la sngon chad go rim nges pa'i dkar chag mi 'dug pas/ 'dir chos tshan gyi go rim rang gi sgra 'dzin gyi bdud rtsir ji ltar babs pa rnams brgyud pa dang bcas pa la/ gsung ba po'i rtogs pa brjod pa/ gang du gsungs pa'i gnas/ gang gi phyir gsungs pa/ gang gsungs pa'i chos te bzhi'i dang po la gang du sku bltams pa la sogs pa thun mong du grags pa'i rnam thar dang / thun mong ma yin pa'i rnam thar/