[A:120]lam gyis bsal ba/ rnal 'byor phrin las sum cu rtsa gnyis lam 'bring po rtsa ba med pa| lam bsdus pa sgrub pa lung sbyin/ gzhung ji lta ba bzhin bkri ba/ dbang po rab 'bring gsum bkri ba/ gnad drug gis bkri ba/ gnad bcu gcig gis bkri ba/ lam 'jug ldog /phyag rgya 'jug ldog /shes pas phan 'dogs pa'i man ngag bdun/ lam bsre ba 'gros bzhi dang bcas pa/ phyi nang gi mdzad pa bcu gnyis/ phrin las sum cu'i dpe chung / 'chi ltas brtag pa'i 'khor lo gnyis/ rtsa 'khor lo bzhi'i dpe chung / gags sel gzhan gyi dpe chung gnyis/ bha ga'i yi ge bcu bzhi'i dpe chung / bla ma'i rnal 'byor dbu dbyung ma/ lung mtha' dag dang mdor bsdus te sbyar ba/ lung 'di nyid dang mdor bsdus te sbyar ba/ bla ma bod dang rgya gar ba'i lo rgyus gnyis rnams thob bo//
de dag kyang gzur gnas don gnyer rnams kyi don du cung zad dpyad na/ rje bla mas bdag sogs la bka' lung gnang ba'i glegs bam 'di ni/ rdo rje gdan bla brang gi glegs bam gnyis dang rnam pa kun tu mtshungs nges su 'dug cing / des na dbang po rab 'bring gsum bkri ba'i mgo na/ gang zag rigs kyi dbye bas lam gyi khrid/ / brjed pa dran pa gso phyir bri bar bya/ /zhes bris pa gcig yod la/ de rnam dag yin no| |tshigs bcad de med pa'i bsdus pa shog cig ma gcig glegs bam la lar yong gi 'dug pa de ngor lugs yin par grag go /grub pa lung sbyin yang / dbu na/ sgrub pa'i lung 'bogs pa'i dus su bla ma dang slob ma gnyis kas mkha' 'gro lnga mnyes par byas la zhes bris pa shog 'debs gcig lhag tsam yod pa gcig 'dug pa de rnam dag yin la/ glegs bam la lar de bas rgyas pa shog bu gsum bzhi tsam yong gi 'dug pa de min no snyam du sems so/ /des na rdo rje gdan bla brang gi po ti rnam par dag pa kho