[A:320]lam/ /stan thog gcig tu zung 'brel bsgom par shog /snang stong dbyer med chu zla 'ja' tshon ltar/ /rang lus cir snang 'phags pa'i skur bsgom zhing / /grag stong dbyer med brag cha'i sgra brnyan ltar/ /sgra rnams yig drug bzlas par shes par shog /rig stong dbyer med ma bcos sems nyid 'di/ /rtsol med zhi lhag rang grol lhug pa'i ngang // sgom med rnam par mi rtog dbyings nyid du/ /yengs med rtse gcig nyams su len par shog /zas gos gnas mal gnyid dang 'pho ba dang / /bar do tha mal snang bar ma shor bar/ /rjes spyod spyod lam rnal 'byor drug po yis/ /gnas skabs kun tu lam gyis zin par shog /bla ma mchog dang dbyer med 'phags pa'i zhal/ /mngon sum ston ka'i zla dbang ltar mthong zhing / /po ta la dang bde ba can sogs su/ /bdag dang 'gro rnams thogs med bgrod par shog /ces dmar khrid tshem bu lugs kyi bla ma brgyud pa'i gsol 'debs/ lam gyi rim pa'i smon lam mdor bsdus dang bcas pa 'di yang rnal 'byor pa tshar pa blo gsal rgya mtshos gangs can gyi ri bo'i po la gnas tshe rang gi bsam gtan gyi khang bur sbyar ba 'gro ba la phan par gyur cig
'di'i kun bzang bla ma nas mgon po'i mtshan gyi bar rgyal dbang blo bzang rgya mtsho'i gsung / gsang sngags gsar rnying sogs tshig rkang gsum bdag rang gi'o/
! /
yang / thugs rje chen po'i dmar khrid tshem bu lugs nA lendra rje bco brgyad pa la thob pa'i brgyud pa ni/ rdo rje 'chang / rdo rje rnal 'byor ma/ bla ma gnyan dar ma 'od zer/ gnyan la slob ma'i mchog drug yod pa'i nang nas/ spyi bo lhas chen po byang chub 'od/ brag dmar ba byang chub tshul khrims/ dgon gsar ba bsod nams snying po/ kun spangs thugs rje brtson 'grus/ bla ma brag kha ba dang / rin chen dpal bzang gnyis kyis zhus/ de gnyis la/ bla ma dam pa bsod nams rgyal mtshan/ thugs