[A:377]ཞལ་བཞི་ཕྱག་བརྒྱད་མ་ལྷ་བཅུ་གཅིག་གི་སྒྲུབ་ཐབས་གཉིས།
དེ་གཉིས་དང༌། འོག་གི་ཆོས་འབྱུང་བློ་གྲོས་དང་རིན་ཆེན་འབྱུང་གནས་ཞི་བས་མཛད་པ་སྟེ་བཞི་ལ་རྗེས་གནང་གཅིག །
སློབ་དཔོན་འཕགས་པ་ཀླུ་སྒྲུབ་ཀྱིས་མཛད་པའི་རྡོ་རྗེ་སྒྲོལ་མ་དཀར་མོ་ཕྱག་གཉིས་མ་གཙོ་རྐྱང་གི་སྒྲུབ་ཐབས། པཎྜི་ཏ་ཆོས་འབྱུང་བློ་གྲོས་ཀྱིས་མཛད་པའི་རྡོ་རྗེ་སྒྲོལ་མའི་སྒྲུབ་ཐབས། ཡང་དེའི་སྒྲུབ་ཐབས་པཎྜི་ཏ་ཆེན་པོ་རིན་ཆེན་འབྱུང་གནས་ཞི་བའི་ཞབས་ཀྱིས་མཛད་པ། རྡོ་རྗེ་སྒྲོལ་མ་ལྗང་གུ་ཕྱག་གཉིས་མ་གཙོ་འཁོར་ལྔ་པའི་སྒྲུབ་ཐབས་པཎྜི་ཏ་ཆེན་པོ་དཔེ་མེད་བསྲུང་གིས་མཛད་པ། འདི་ལ་རྗེས་གནང་མེད།
འཕགས་མ་འཇིགས་པ་ཆེན་མོ་བརྒྱད་ལས་སྐྱོབ་པ་ལྗང་གུ་ཕྱག་གཉིས་མ་གཙོ་འཁོར་དགུ་མའི་སྒྲུབ་ཐབས། རྒྱ་ནག་རིམ་པའི་འཕགས་མ་སྒྲོལ་མ་ནག་མོ་ཕྱག་བཞི་པའི་སྒྲུབ་ཐབས། ཡང༌། རྒྱ་ནག་ཆེན་མོའི་རིམ་པའི་འཕགས་མ་སྒྲོལ་མའི་སྒྲུབ་ཐབས་སློབ་དཔོན་རྟག་པའི་རྡོ་རྗེས་མཛད་པ། དེ་གཉིས་ལ་རྗེས་གནང་གཅིག །
འཆི་བ་བླུ་བའི་སྒྲོལ་མ་དཀར་མོ་ཕྱག་གཉིས་མའི་སྒྲུབ་ཐབས། ཡང༌། འཆི་བ་བླུ་བའམ་འཇོམས་པའི་སྒྲོལ་མ་དཀར་མོའི་སྒྲུབ་ཐབས་སློབ་དཔོན་ངག་གི་གྲགས་པའི་སློབ་མ་ཐུ་བོས་མཛད་པ། དེ་གཉིས་དང་འོག་གི་འཆི་བ་བླུ་བའི་སྒྲོལ་མ་སྟེ་གསུམ་ལ་རྗེས་གནང་གཅིག །
སྒྲོལ་མ་དཀར་མོ་ཕྱག་བཞི་མ་གཙོ་འཁོར་གསུམ་པའི་སྒྲུབ་ཐབས་སློབ་དཔོན་ཡིད་བཞིན་ནོར་བུའི་རྒྱལ་པོས་མཛད་པ། སྒྲོལ་མ་དཀར་མོ་ཕྱག་དྲུག་པ་གཙོ་རྐྱང་གི་སྒྲུབ་ཐབས། འཕགས་མ་སྒྲོལ་མ་དུག་སེལ་མ་དཀར་མོ་ཕྱག་བཞི་མའི་སྒྲུབ་ཐབས། སྒྲོལ་མ་ནོར་སྦྱིན་ལྗང་སྔོན་ཕྱག་བཞི་མ་ལྷ་བཅུ་གསུམ་གྱི་སྒྲུབ་ཐབས། འོག་དཔག་མེད་ཀྱི་སྙིང་པོའི་རྒྱུད་ལས་བཅོམ་ལྡན་འདས་འཕགས་མ་སྒྲོལ་མའི་རྟོག་པ། རྗེས་གནང་མེད།
ངན་སོང་ལས་སྒྲོལ་བའི་སྒྲོལ་མ་སྔོ་ལྗང་ཞལ་གཅིག་ཕྱག་བཞི་མའི་སྒྲུབ་ཐབས། འཆི་བ་བླུ་བའི་མན་ངག་གི་སྒྲོལ་མའི་སྒྲུབ་ཐབས། སྣ་ཚོགས་ཡུམ་དཀར་མོ་ཕྱག་གཉིས་མའི་