[A:360]གྲགས། རྒྱང་རོ་བྱང་ཆུབ་འབུམ། མཆིམས་བློ་བཟང་གྲགས་པ། ཡོལ་སྟོན་བསོད་ནམས་ལྷུན་གྲུབ། སློབ་དཔོན་གྲགས་པ་རྒྱ་མཚོ། མཁན་ཆེན་གྲུབ་པ་ཤེས་རབ། རྒྱ་སྟོན་ཙནྡྲ་དེ་བ། རི་ཁྲོད་པ་བསོད་ནམས་རྒྱ་མཚོ། འགར་སྟོན་ཤེས་རབ་རྒྱ་མཚོ། མཁས་གྲུབ་དཔལ་ལྡན་རྡོ་རྗེ། ཡོངས་འཛིན་དཀོན་མཆོག་ཆོས་འཕེལ། ངོར་ཆེན་དཀོན་མཆོག་ལྷུན་གྲུབ། རྗེ་དཀོན་མཆོག་དཔལ་ལྡན། ཤར་པ་བྱམས་པ་ཀུན་དགའ་བཀྲ་ཤིས། སྒྲུབ་ཁང་པ་མཁས་གྲུབ་དཔལ་ལྡན་དོན་གྲུབ། རྒྱལ་ཀུན་ངོ་བོ་བཀའ་འགྱུར་བ་མགོན་པོ་བསོད་ནམས་མཆོག་ལྡན། རབ་འབྱམས་པ་རིན་ཆེན་རྒྱ་མཚོ། དྲིན་ཅན་ཐེག་མཆོག་གླིང་པ་གྲུབ་པའི་དབང་ཕྱུག་འཇམ་དབྱངས་རྣམ་རྒྱལ། དེས་བདག་ལ་དགྱེས་པ་ཆེན་པོས་བསྩལ་ཏོ། །
༈ བཀའ་གདམས་གླེགས་བམ་ནས་བུ་ཆོས་ཚང་མའི་ལུང་ཐོབ་པའི་ཆོས་ཀྱི་རྣམ་གྲངས་ལ། རྩ་ཚིག་བྱང་ཆུབ་སེམས་དཔའ་ནོར་བུའི་ཕྲེང་བ། བྱང་ཆུབ་སེམས་དཔའ་ནོར་བུའི་ཕྲེང་བ་ལེའུ་ཉི་ཤུ་རྩ་གསུམ་ནི། འབྲོམ་རྒྱལ་བའི་འབྱུང་གནས་ཀྱི་སྐྱེས་རབས་བསྟན་པ་ལས་རྔོག་ལེགས་པའི་ཤེས་རབ་ཀྱིས་ཞུས་པའི་རྔོག་ཆོས་ཉི་ཤུ། ཁུ་ཆེན་པོས་ཞུས་པའི་ཁུ་ཆོས་གཉིས་དྲིལ་ནས་ཉི་ཤུ་རྩ་གཉིས། ངོ་མཚར་བའི་གཏམ་ཐོར་བུ་རྣམས་ལོ་ཙཱ་བ་ལ་སོགས་པའི་རྗེའི་སྲས་དམ་པ་རྣམས་ཀྱིས་ཟུར་དུ་གླེངས་པས་ཁ་བསྐང་བ་སྟེ་ལེའུ་ཐ་མ་ཉེར་གསུམ་གྱི་ལུང་ཐོབ་པའི་བརྒྱུད་པ་ནི། ཇོ་བོ་དཱི་པཾ་ཀཱ་ར་ཤྲཱི་ཛྙཱ་ན། འབྲོམ་སྟོན་རྒྱལ་བའི་འབྱུང་གནས། གསང་ཕུ་བ་རྔོག་ལེགས་པའི་ཤེས་རབ། མངའ་རིས་པ་ཤེས་རབ་རྒྱལ་མཚན། ཕུ་ཆུང་བ་གཞོན་ནུ་རྒྱལ་མཚན། འབྲོམ་རིན་ཆེན་རྒྱལ་མཚན།
ཡང་འབྲོམ་གྱིས་ལོགས་སུ་ནན་གྱིས་བཏབ་པའི་བཀའ་རྒྱ་ཆེན་མོ། དེས་མཛད་པའི་རང་རྒྱུད་ལ་བསྐུལ་མ་གདབ་པ་དད་པའི་ལྗོན་ཤིང༌། ལྷ་ཆོས་བདུན་ལྡན་གྱི་འཁོར་ལོ་བསྐོར་བའི་སྐབས་སུ་ནན་གྱི་སྒོ་ནས་བཀའ་རྒྱ་བཏབ་