[A:593]dus nges par 'gyur gsung / de nas rgyal po chen po thog na the mur sras dang bcas pas chos rje'i snyan pa gsan pa'i stobs kyis/ ding hu dben dpon dang sde dpon dkon mchog rgyal mtshan la sogs pa hor bod kyi gser yig pa mang po la rgyal po'i lung dang / rgyal bu'i li ji lag rtags gnang sbyin rgya chen po dang bcas pa bskur nas spyan 'dren du byung bas/ sems can gyi don rgya chen po la dgongs nas dgung lo bcu dgu pa sa pho khyi'i zla ba lnga pa'i tshes nyi shu la 'tshur phu nas bteg gnam dang snying drung sogs su thog babs kyang mi phyugs la gnod pa med pas rten 'brel bzang por dgongs/ de nas gong dang byang rnams su gzhan don rgya chen po mdzad cing bstan bcos dpag tu med pa mdzad de kar mar phebs/ der yang thugs dam khrigs su gnas pa la sogs pa'i mdzad pa bstan zhing / khams kyi sde dpon rnams kyis kyang bsu skyel zhabs tog legs par byas/ chag pa'i gnod pa byung ba bzlog par zhus pas kyang de ma thag bzlogs/ de nas trer phebs nas chos kyi gtam dam pa dgyes pa'i sgron ma'i bstan bcos mdzad/ de nas ka chu gling phugs su phebs pa'i tshe chos khri'i sar sngon chad sa phyogs der skye ma myong ba'i me tog rtsa ba gcig la sdong bu brgya/ sdong bu re re la yang me tog brgya brgya/ me tog re re la yang 'dab ma ser po stong stong yod pa/ lte bar dmar po/ ge sar ser po cig skyes pa de mthong zhing thos pa thams cad ngo mtshar du gyur/ sa phyogs de lhog