[A:575]nga'i slob ma rnams rang mgo thon tsam re ni yod/ de'i nang nas kyang khyod dang blo gros rin chen gnyis la re che ba yin/ de'i nang nas kyang khyod la phrin las rgya chen po 'ong ba yin/ khyod kyi bu slob dang yang slob kyi bar du yang phrin las rgya chen po 'ong ba yin gsung ba bzhin du phrin las dpag tu med pa byung ba yin no/ /sa gzhan du 'gro 'dod byung ba'i tshe dus gsum mkhyen pa byon nas/ gar yang ma 'gro sa 'di nyid du bsgoms dang / rang don gzhan don gnyis ka 'byung zhes lung bstan pa bzhin du/ spel sgo dgon par phyags phab nas lo bcu drug tu sgrub pa mdzad pas dag pa'i snang ba bsam gyis mi khyab pa shar/ snyan pas phyogs thams cad du khyab bo/ /ka thog gi gtsang ston de snyan pa che bas 'di ji 'dra ba zhig yin nam dgongs pa la/ thugs 'dun btang bas khong nam mkha' dag pa'i dbyings na longs spyod rdzogs pa'i skur 'dug pa gzigs nas/ gtsang ston la chos gsan pas mkhyen pa rgyas par gyur/ de nas khra shod spom brag tu dgon pa gzung / der sangs rgyas mi 'khrugs pa dpag tu med pa gzigs shing ltas ngo mtshar can mang po byung / de nas sangs rgyas ras chen gyi zhal nas/ dmar khams sgang du ma 'gro gsung ba la/ der byon pas sku khams cung zhig ma bde ba'i tshe bla ma kar ma pa zhabs tog tu yod pa la/ da lan gyi nad 'dis kho bo 'gro dgos par 'dug
sangs rgyas ras chen gyi zhal nas dmar khams sgang du ma 'gro gsung ba'i gsung bcag pas lan/