[A:556]du 'gro ba la/ 'di nga rang gis dge sbyor ma byas pas lan snyam nas/ lo brgyad kyi bar mtshams bsdams nas thugs dam rtse gcig tu mdzad pas/ grwa pa rnams yang 'dus byung / de nas gnyal ba byang chub 'bum bya bas dug drangs pas bsnyung bas/ 'tshur phur byon nas sman pa mkhas pa cig gis bcos pas legs par dwangs/ de nas byang thang sogs su bzhugs pa na yang tshogs pa cher 'dus/ de 'grol du bzhugs pa'i tshe/ rje 'bri khung pas 'bul tshan po che dang / gdan sa de khyed min pas mi 'khyongs pas/ khyed kyis cis kyang skyong bar zhu bya ba'i gsung byung bas/ slar yang sgam por bzhugs/ phyis rjes su 'bri khung pa sgam por byon pa'i dus su/ khu dbon gsum gyi thugs kyi sras/ /bslab pa gsum ldan rdo rje 'dzin/ /skye med don rtogs rnal 'byor pa/ /mkhan po dge ba'i bshes la 'dud/ /ces bstod pa yang mdzad/ de nas khrid rnams kyang bskyangs shing 'dul ba yang gsungs/ de nas grwa pa rgan pa rnams dang gros byas nas/ gtsug lag khang ka ba bcu drug pa cig byed par gros bcad pa la/ mkhan po bas ka ba bzhi bcu tham pa'i rmang bting / lo gsum na tshar bar byas/ rje 'bri khung pas kyang rta pho bya dmar rlung zhags la sogs pa gtsug lag khang rtsig pa'i cha rkyen mang du gnang / lan cig mnal lam du btub par byung nas/ gtsug lag khang rnying ma'i rten rnams kyang mchod khang gsar mar gdan drangs/ rje 'bri khung pas phag mo gru'i chos rnams