[A:458]brgyad cu rtsa bzhi la gser gyi sdud pa brgyad cu rtsa bzhi bstan pa ma zhig bar du klog pa'i cha rkyen gser srang brgya/ bla ma bha ro phyag rdum la gser srang brgya phul/ gser srang gsum bzhi tsam re la rkyen byas nas ha mu nyis brgya tsam bsags pa'i tshogs 'khor brgya rtsa brgyad btang / bal po thugs rje chen po bod du spyan drangs nas
phyir thegs dus gser srang stong brdzangs/ ma gshegs bar du 'bul ba thengs sum cu so bdun thengs/
bsam yas kyi 'khor sa klu mes dang sba reg gi chags sdang gis me pho khyi'i lo la bsregs/ gyang tshun chad 'gyel ba la 'ol kha nas shug pa rnams gtsang po la gyen la drangs/ gyang btang / shing bzo/ gser bzo/ lcags mgar/ lha bzo la sogs pa'i bzo bo lnga brgya tsam gyis lo gsum gyi bar du zhig gsos byas/ de'i
zhabs tog gi lag len ni ston pa rin chen rdo rjes byas/ spyir na de la khal 'bum tsho cig song / de'i tshon rtsi lhag gis gtsang 'phrang gi khyams dbu rtse dang bcas pa gsos/ yun lo gnyis song / gnyer lo tsA ba rwa chos rab kyis byas/ yo byad khal khri tsho gcig song /
gnas gzhi rnams su zhabs tog mdzad pa la/ ngur smrig pa la 'bum cha gsum gyis
sna drangs 'bul ba mang du phul/ der bstan pa ma zhig bar du 'gron zan gtang ba'i cha rkyen la
ljid snyoms kyi khal khri tsho gsum phul/ bye mda' ba la mdo sdes sna drangs pa'i pu sti brgya/ 'gro zan rgyun gyi cha rkyen khal khri tsho gsum phul/ dkyus thang pa la 'bum chas sna drangs pa'i