[A:391]dge bshes ston pa la/ dge ba'i bshes gnyen pa lags/ khyed la jo bo'i gdams ngag thams cad bum pa gang byo'i tshul du mnga' ba lags pas/ des kyang mi phan des kyang mi phan mi gsung bar jo bo'i gdams ngag rnams mi 'chab par gsung ba zhu/ rnal 'byor pa la/ khyod rnal 'byor pa mi chos su ngan te jo bo'i g.yog bzhag nas sba rgya mtsho'i rjes la phyin/ lha chos su ngan te jo bo'i gdams ngag bsgom pa bzhag nas/ dbas chung ston pa'i bdag med ma'i sgrub thabs bslabs pa yin bya ba la sogs pa rim gyis mang po gsungs pa'i rjes la/ kho bo ni de ring nas tshe 'di'i rnam par rtog pa la mtshams gcod gsung bas/ gnas khang zhig tu mtshams sdom pa yin snyam tsa na/ mtshams kyang mi mdzad/ mi dang gleng mo tsam yang mi mdzad par bzhugs/ lan gcig gi tshe dge ba'i bshes gnyen gsang phu ba de rwa sgreng du byon nas khong dang thugs gcugs pas gsung glengs thugs bcags pa zhig bya bsam nas khong dang mjal ba'i tshe/ khong gi zhal nas/ dge ba'i bshes gnyen pa/ kho bo la mi'i 'di yin mi bdog pas bzod pa mdzad par zhu gsung nas/ nags khrod na phar ldo ldo gshegs/ gsang phu ba'i zhal nas/ de las yi mug pa zhig ni ma byung gsung skad/ der khong gis phal cher mnyam par 'jog pa kho na mdzad/ nam zhig dgon pa ba'i spyil po'i g.yon gyi pha bong zhig gi steng nas mkha' spyod du gshegs pa yin lo/ /chos rgyal khri srong lde btsan gyi blon po rngog chen po bya ba/ btsan