[A:555]ཞིང་བསྙེན་པར་རྫོགས། དེའི་ནུབ་མོ་རྨི་ལམ་དུ་གཙང་པོ་ལ་མི་མང་པོ་བསྒྲལ་བ་རྨིས་པས། ཕྱིས་དེ་ཁོ་ན་བཞིན་དུ་དྭགས་པོ་འདུལ་འཛིན་ལ་སྡོམ་པ་ཐོབ་བམ་མ་ཐོབ་ཅེས་ཟེར་བ་བྱུང་ཞིང༌། མཁན་བུ་ཤིན་ཏུ་མང་བར་བྱུང༌། མདོས་ཁར་བ་ལ་ཕར་ཕྱིན་ཉན། དེར་རྣམ་གཡེང་ཆེ་བས་ཤ་མི་འདུལ་འཛིན་ཅན་དུ་བྱོན་པས། ཆོས་གསུང་བ་དང་མཇལ་ནས་འདུལ་བ་མཐའ་དག་མཁས་པར་བསླབས་ཏེ། ཟུར་ཆོས་ཀྱང་ཐོགས་རེ་བཤད། དེ་ནས་བསྙུན་དྲག་པོ་ཅིག་གིས་རྐྱེན་བྱས་ནས་བཤད་པ་འཕྲོ་ཤོལ་ནས། སློབ་དཔོན་སྒོམ་པའི་དྲུང་དུ་བྱོན་པས། སྒམ་པོ་བའི་ཆོས་མ་ལུས་པ་གནང༌། ཡུན་རིང་དུ་ཕྱགས་ཕྱི་བྱས། དེ་ནས་ཉ་མོ་ཁར་སློབ་དཔོན་སྒོམ་པས་ཚོགས་ཤིག་མཛད་པའི་ཚེ། མདོ་སྡེ་དཀར་པོ་དང་སྲད་མ་དཀར་པོ་བྱ་བའི་ཡོན་བདག་གཉིས་འཐབས་ནས་ཀུ་ཅོ་ཆེན་པོ་བྱས་པས། སློབ་དཔོན་སྒོམ་པ་ཐུགས་སྐྱོ་སྟེ། འདུལ་བ་འཛིན་པ་ལ་ཤོག་གསུང་ནས། ད་ཕྱིན་ཆད་ཚོགས་མི་བྱེད། སྔར་བྱས་པ་རྣམས་ཀྱང་ཁྱོད་ཀྱི་མདུན་དུ་བཤགས། ངའི་གདན་ས་ཡང་ཁྱོད་ཀྱིས་གྱིས་གསུང་བ་ལས། ཚོགས་མི་ཤོལ་བར་གསོལ་བ་བཏབ་པས་ཀྱང་མ་གནང༌། གདན་ས་དང་ག་ལ་འོང་སྙམ་ཡོད་པའི་ལོ་མང་པོ་མ་ལོན་པར་སློབ་དཔོན་སྒོམ་པ་གཤེགས། དེའི་གདན་སར་སྒོམ་ཆུང་བཞུགས་པས་ཀྱང་ལོ་གཉིས་ལས་མ་ཐུབ། གཞན་ཤོ་སྒོམ་ལ་སོགས་པའི་ཆེན་པོ་མང་དུ་ཡོད་ཀྱང་གདན་ས་འདུལ་བ་འཛིན་པ་ལ་གཏད། དེར་གདན་སར་བཞུགས་པས་བྱ་དཀའ་སེ་བྱུང༌། གྲྭ་པ་རྣམས་ཀྱང་ཕྱོགས་གཞན་