[A:536]འཇིགས་ནས་ཆོས་བྱེད་པ་ཡིན་པས། དབང་གདམས་ངག་དང་བཅས་པ་ཞུ་འཚལ་ཞུས་པས། ངམ་རྫོང་པའི་ཞལ་ནས། རྗེ་མི་ལའི་གདམས་ངག་ཐམས་ཅད་རྒྱུད་དང་འབྲེལ་བ་ཐབས་ལམ་གྱི་གདམས་ངག་དང༌། བྱིན་རླབས་དང་འབུལ་བ་སྙན་བརྒྱུད་ཀྱི་གདམས་ངག་གཉིས་སུ་འདུས། དེ་ལ་སྙན་བརྒྱུད་ཀྱི་གདམས་ངག་འདི་གཞན་ལ་བྱིན་པ་མེད། རྗེ་བཙུན་རས་ཆུང་པ་ལ་བྱིན་པ་སྐད་ཟེར་གྱི་འདུག ཁོ་བོ་ལ་རྗེ་ནཱ་རོ་པའི་ཆོས་བརྒྱད་ཚང་བར་གནང་བ་ཡིན་གསུང་ནས། ཁྱད་པར་གྱི་ཆོས་བརྒྱད་གདམས་ངག་དང་བཅས་པ་ཚང་བར་གནང༌། ལྷན་ཅིག་སྐྱེས་པའི་རྟོགས་པ་ལ་ངོ་སྤྲད་ནས། ཁྱོད་ཀྱིས་གསང་སྤྱོད་ཀྱི་ཚུལ་དུ་ཉམས་སུ་ལོང་ཞིག གསང་སྔགས་ཀྱི་སྣོད་དུ་རུང་བ་ཤིན་ཏུ་དཀོན་པར་འདུག་པས། བརྒྱུད་པ་ཟིན་པའི་སྣོད་ལྡན་གཅིག་གི་རྒྱུད་སྨིན་པར་གྱིས་ལ་གདམས་ངག་ཚང་བར་བྱིན་གསུང༌། སྤྱིར་སྤྱན་སྔར་སྔ་ཕྱི་དྲིལ་བས་ཟླ་བ་བཅོ་ལྔ་བཞུགས། དེ་ནས་དབུས་སུ་ལྷ་ས་དང་སྲིན་པོ་རི་ལ་སོགས་པར་ཡུག་རེ་བྱོན། དེ་ནས་འཆིད་རུའི་འཆད་པོ་ཆེའི་དགོན་པར་ཞབས་ཀྱིས་འབྱོན་པ་འོང་ཡང་གོང་བར་བརྫུས། གསུང་སྨྲ་བ་བཅད་ནས་ལྐུགས་བརྫུ་མཛད་དེ་ལོ་བཅོ་བརྒྱད་དུ་ཕྱིར་མ་བྱོན་པར་སྒྲུབ་པ་རྩེ་གཅིག་ཏུ་མཛད། དེའི་ཕ་ཟད་ཅིག་ཏུ་ལོ་གཅིག་དང༌། ལྕང་སར་སེར་མ་བྲག་གདོང་དུ་ལོ་འགའ་བཞུགས། དེར་མཆོག་ཐུན་མོང་གི་དངོས་གྲུབ་ལ་མངའ་བརྙེས། མངོན་པར་མཁྱེན་པ་མངའ། དགུང་ལོ་བདུན་ཅུ་ལོན་པ་ལ་གཤེགས། གཉལ་བ་གསུང་བཅད་པ་ཉི་མ་སེང་གེས་