[A:533]ལ་སོགས་ཏེ། ཆོས་ཞུས་པའི་བླ་མ་བདུན་ཅུ་ཡོད་དོ། །དེ་ནས་ལྷོ་བལ་དུ་བྱོན་ནས་བལ་ཡུལ་ཡེ་རང་དུ་པཎ་ཆེན་རཏྣ་རཀྵི་ཏ་ལ་སྒྲ་ཚད་བསླབས། རྒྱུད་འགྲེལ་པ་དང་བཅས་པ་ཉིས་བརྒྱ་ལྷག་པ་ཞིག་དང༌། དབང་ཡོངས་སུ་རྫོགས་པ་བརྒྱད་ཅུ་རྩ་བཞི་ཐོབ་གསུང༌། པནྚི་ཏ་ཤྲཱི་བི་མ་ལ་ཀཱིརྟི་ལ་རྗེ་བཙུན་མ་སྒྲོལ་མའི་དབང་དང་དཀྱིལ་ཆོག་ལ་སོགས་མང་དུ་ཞུས། ཐང་སྟོན་ལ་རྒྱུད་འགྲེལ་གསུང་དུས་འགྲེལ་ཊཱིཀ་གཞན་དུ་ལུས་ནས་མ་ལོན་པ་ལ། བླ་མ་ལ་གསོལ་བ་བཏབ་པས་གསན་པའི་རྒྱུད་འགྲེལ་ཐམས་ཅད་ཀྱི་རྡོ་རྗེའི་ཚིག་གི་མདུད་པ་དུས་གཅིག་ལ་གྲོལ་བ་དང༌། ཁྱུང་ཚང་པ་ལ་གསོལ་བ་བཏབ་པས་མནལ་ལམ་དུ་དབང་བསྐུར་བས་རྩོམ་པ་ལ་མཆོག་ཏུ་གྱུར། པཎ་ཆེན་ལ་བདེ་མཆོག་གི་དབང་ཞུས་དུས་ས་གཡོས། གསང་འདུས་གསན་དུས་བདེ་མཆོག་གིས་རྒྱུད་གསུངས། གཤིན་རྗེ་གསན་དུས་ཐུགས་རྗེ་ཆེན་པོ་སེར་བོ་གཡོ་བ་དང་བཅས་པས་ཆོས་གསུངས། བདེ་མཆོག་གསན་དུས་ཊཱི་ཀི་མས་གནང་བ་བྱིན། ཁྲིད་མཛད་དུས་ཤིག་ཏུ་རོལ་མོ་རང་འཁྲོལ། བྷ་རོ་ལ་དབང་མཛད་དུས་གཏོར་མས་མཁའ་འགྲོ་མ་བཏུལ། སྟོད་འགྲེལ་གྱི་དབང་གི་དུས་སུ་ལྕེ་སྤྱང་དངོས་སུ་བྱུང༌། ཕྲེང་བའི་འགྱུར་མཛད་དུས་ལྟས་ངོ་མཚར་ཅན་བྱུང༌། མནལ་ལམ་དུ་བྲམ་ཟེ་ཆེན་པོ་དང་མཇལ་ནས་ཆོས་གསུངས། ས་གདོན་གྱི་ཆོ་འཕྲུལ་བདུད་སྐོར་བཟློག་གིས་བཟློགས། དཔེ་དཀར་གྱིས་གནོད་པ་རྩོམ་པ་དྲག་པོའི་བརྟུལ་ཞུགས་ཀྱིས་བཅོས། བལ་ཡུལ་དུ་མུ་སྟེགས་ཀྱི་ངན་སྔགས་མ་ཞུམ་པའི་སྤྱོད་པས་བཟློགས་