[A:483]
དུམ་བུ་བརྒྱད་པ། མངའ་བདག་ལོ་ཙཱ་བ་ཆེན་པོ་མར་པ་ནས་བརྒྱུད་དེ་དྭགས་པོ་བཀའ་བརྒྱུད་ཅེས་གྲགས་པའི་སྐབས།
རྔོག་པའི་བརྒྱུད་པའི་སྐབས།
༄༅། །གངས་ཅན་ཕྱི་རྒྱུད་འདིར་བཤད་སྒྲུབ་གཉིས་ཀའི་སྒོ་ནས་བསྟན་པའི་བདག་པོར་གྱུར་པ་ནི་རྗེ་མར་པ་ལྷོ་བྲག་པ་ཡིན་ཏེ། རྗེ་བཙུན་དེ་ནི་ལྷོ་ཕུ་ཆུ་ཁྱེར་དུ། ཡབ་མར་པ་དབང་ཕྱུག་འོད་ཟེར་དང༌། ཡུལ་རྒྱལ་མོ་འོད་ཟེར་གཉིས་ཀྱི་སྲས་མིང་སྲིང་བཞི་ལས་ཚིགས་གཉིས་པར། ཆུ་ཕོ་བྱི་བ་ལ་འཁྲུངས། ཆུང་ངུའི་དུས་ནས་སློབ་དཔོན་ཀླུ་བརྒྱད་པ་ཞིག་ལས་བྲི་ཀློག་ལེགས་པར་མཁྱེན། སྤྱོད་པ་ཤིན་ཏུ་མི་སྲུན་པས་སློབ་དཔོན་དང་གྲོགས་པོ་གཅིག་མིན་པ་སུའི་ཁྱིམ་དུ་ཡང་མི་ཚུད། དེར་ཡབ་ཀྱི་དགོངས་པ་ལ་གཞན་ཞིག་ཏུ་སློབ་གཉེར་ལ་བཏང་ན་ཤེད་བྱེ་བ་སྲིད་དམ་སྙམ་ནས། རྗེ་འབྲོག་མིའི་དྲུང་དུ་རྟ་བཟང་པོ་སེང་ལྡེང་གི་སྒ་ཅན་གཅིག་གིས་སྣ་དྲངས་པའི་འབུལ་བ་མང་པོ་བསྐུར་ནས་བརྫངས། དེའི་ཚེ་ལོ་བཅོ་ལྔ་ལོན། ལོ་ཙཱ་ཤེས་པར་འདོད་པའི་འདུན་པ་ཡོད་པས། འབྲོག་མི་ལ་ལོ་