[A:457]བླ་མ་བྲང་པ་དང༌། རྩངས་ཡང་དག་འབར་དང༌། བླ་མ་མཐའ་དང༌། དཔོན་རྐུན་པོ་དང༌། བཙད་ཚ་ལྕམ་མེ་དང༌། རྔོག་མདོ་སྡེ་དང༌། ཁུ་ལོ་ཙཱ་བ་མདོ་སྡེ་འབར་དང༌། གྲགས་དང༌། ནེ་ཙོ་དང༌། མདོ་སྡེ་གྲགས་དང༌། ཤོ་རྡོ་རྗེ་རྒྱལ་མཚན་དང༌། ཤོ་དགེ་འདུན་དང༌། འཛར་དགེ་པོ་དང་། འགར་ཨ་ཙ་དང༌། སྙི་བ་དང༌། ལང་ཚ་སྟོན་ནག་དང༌། གྲོལ་གྲུབ་པ་དང༌། འབྲེ་ཁ་སྒྱོག་པ་དང༌། ཀྱུ་ར་ཨ་སྐྱབས་དང༌། རབ་དཔྱ་ཇོ་སྲས་དང༌། ཏྲེ་བོ་མཆོག་བླ་དང༌། ངོ་ཁྲོ་ཡོན་ཚུལ་དང༌། དབང་དང༌། སེ་རིགས་དང༌། ཟུར་ཧོར་པོ་དང་སྤང་གྱང་བླ་མ་དང༌། མ་ཐོག་བྱང་འབར་ལ་སོགས་པ་དང༌། ཁྱད་པར་བོད་ལ་མཁས་པར་གྲགས་པའི་ཏྲེ་བོ་མགོན་པོ་རྣམས་སོ།
།གྲངས་ནི། གཉལ་དུ་སམྦྷོ་རའི་ཆོས་འཁོར་ལ་གྲྭ་པ་བཙུན་པ་ནག་པོའི་རྒྱུད་ལ་
དཔེ་ཐོགས་སྟོང་ཉིས་བརྒྱ། སྔགས་པ་དཔེ་ཐོགས་བརྒྱད་བརྒྱ་སྟེ་ཉིས་སྟོང་བྱུང༌། རྡོ་རྗེ་འཇིགས་བྱེད་ཀྱི་རྒྱུད་ལ་གསེར་སྲང་རེ། ནག་པོའི་རྒྱུད་དང་གདོང་དྲུག་གི་རྒྱུད་དང༌། བདེ་མཆོག་གི་རྒྱུད་བརྒྱད་དང༌། ནག་པོའི་ཆོས་དྲུག་དང༌། ལཱུ་ཡི་པ་དང༌། འཇམ་དཔལ་དང༌། ཞལ་གཉིས་མ་རྣམས་ལ་གསེར་ཞོ་རེའི་གསེར་ཆོས་བྱས། ཁྲིགས་སུ་མ་བཅད་པའི་འབུལ་བ་ལ་ནི་
གྲངས་མེད་པ་བྱུང༌།
ཕྱག་བཞེས་ལ། རྒྱ་གར་དུ་བི་ཀྲ་མ་ཤཱི་ལར་གསེར་གྱི་ཉི་ཁྲི་ཚར་གཅིག་བསྟན་པ་མ་ཞིག་བར་དུ་
ཀློག་པའི་ཆ་རྐྱེན་ལ་གསེར་སྲང་བརྒྱ། གསེར་གྱི་བརྒྱད་སྟོང་པ་ཆ་གཅིག་དང༌། སྡེ་པ་བཞིའི་པནྚི་ཏ་