[A:447]པའི་མན་ངག་ཐོབ་པ། དེ་ཁོ་ན་ཉིད་རྟོགས་པའི་
རྣལ་འབྱོར་མ་གུ་ནེ་རུ་ཞེས་གྲགས་པའི་དྲུང་དུ་བགྲོད་ཅིང་མཉེས་པར་བྱས་ཏེ། བླ་ན་མེད་པའི་རྒྱུད་
མང་དུ་ཐོས་པར་བྱས། དབང་དང་དམ་ཚིག་ལ་སོགས་པ་ཡང་དག་པར་བླངས་ཏེ། དེ་ནས་སྒོམ་པ་ལ་ཡང་བཞུགས་སོ། །ཡང་ལྷས་རྨི་ལམ་བསྟན་པས། ཨོ་ཌི་ཡཱ་ཎའི་བྱང་གི་སྒོ་སྲུང་པ་གདོལ་པ་ཛ་ཐིག་ཛ་ལ་ཞེས་བྱ་བའི་བུ་མོ་ལོ་བཅུ་དྲུག་ལོན་པ་ཞིག་ཡོད་པ་དེ་ལཀྵིམཱ་ཆེན་མོ་ཡིན་པས་དེར་སོང་ཞེས་བྱུང་བ་བཞིན་འཕྲལ་དུ་སོང་སྟེ། དེ་དང་བཤེས་སུ་
འཐམས་ཏེ་ཟླ་བ་བརྒྱད་ཀྱི་བར་དུ་མཉེས་པར་བྱས་སོ། དེས་ཀྱང་སློབ་དཔོན་ཕྱག་རྒྱ་ཆེན་པོ་ལ་
བྲོད་པར་རྟོགས་ན་དེའི་ཆ་རྐྱེན་སྒྲུབ་པའི་ཕྱིར་ཕྲ་མོའི་ལུང་བཙལ་བ་ཙམ་གྱིས་གནོད་གནས་ཀྱི་གྲུབ་པ་ཐོབ་བོ།
།དེ་ནས་ཛ་ལན་དྷ་རར་བྱོན་ཏེ་གྲོང་ཁྱེར་ཀོ་ནེ་ཛེར་གྱི་ཕྱོགས་གཅིག་ན། བྱིས་པ་ཆུང་བའི་ཞབས་
ཞེས་ཤེས་རབ་ཀྱི་རྒྱུད་ལ་ལྷག་པར་མཁས་པ་ཞིག་ཡོད་པ་དེ་ལ་ལུང་་མང་པོ་ཐོས་ཤིང་སྒོམ་པ་ལ་ནན་ཏན་དུ་མཛད་དོ། །དེ་ནས་ཡུལ་དབུས་ནསལྷོ་ཕྱོགས་སུ་དཔག་ཚད་སུམ་བརྒྱ་ཕྱིན་པ་ན། ཡུལ་ཀཾ་ཀོ་ཞེས་བྱ་བ་ནམ་མཁའ་ལ་ནགས་ཚལ་འཁྲིགས་པ་ཞིག་ཡོད་པ་དེའི་ཕྱོགས་ཞིག་ན། སློབ་དཔོན་ཀླུ་སྒྲུབ་ཀྱི་སློབ་མ་སློབ་དཔོན་བསྲུང་བའི་ཞབས་ཞེས་བྱ་བ་ཐབས་ཀྱི་རྒྱུད་ལ་རབ་ཏུ་མཁས་པ། དེ་དག་ཀྱང་རྫུ་འཕྲུལ་སློབ་མས་བསྐོར་བ་ཞིག་ཡོད་པ་དེའི་དྲུང་དུ་བྱོན་ནས། བླ་མ་དེ་ལ་
བྲམ་ཟེ་ཙ་ཏྲ་ར་ཞེས་བྱ་བ་དང༌། བྲམ་ཟེ་གུ་ཧྱ་བརྟ་ཞེས་བྱ་བ་དང༌། རྒྱལ་རིགས་མཉྫུ་ཤྲཱི་ཞེས་བྱ་བ་དང༌།