[A:87a-363] / /pa'i rnam grangs/ dge 'dun re'i phyag tu'ang rgya dar kha re/ gan spos bcu phyag re/ gser zho re'i gnang sbyin gyis tshim par byos/ de nas rim gyis phebs pa'i lam bar gyi sbyin bdag so so nas kyang bkur sti legs par zhus te/ de nas dpon slob zhal rgyas su lha sar phebs/ jo bo rin po che'i drung du phyag mchod smon lam gyi rim pa sogs zhag gsum gyi bar du gnang/ tshogs pa rnams snye thang bar byang kha rgyud de phyir phebs/ rje'i zhal snga nas/ phyag lo tsa ba chen po dang/ sa skyong chen po ngag dbang rnam rgyal mchod yon gyis gzhis ka sne'u spyan drangs te/ tshe dpag med nad sgrub lha bcu gnyis ma dang/ gsang sgrub lha bcu dgu ma'i dbang/ rnam thos sras yang gsang bsung dmar can gyi rjes gnang dang bcas pa gnang/ chag lo tsa ba'i drung du'ang/ kha che paN chen gyi thugs dam phag mo kurma pa ti'i dbang dang/ birWa pa'i tshe sgrub la sogs pa gsan/ mchod yon thams cad dgyes pa dang ldan pa'i sgo nas skyid shongs/ lhun grub lha rtse sogs su gsum bcag re gnang ba nas phebs pa'i dga' ston chen po'i ngang nas/ skal ba dang ldan pa'i gdul bya mtha' dag gdams pa zab mo bdun rtsis tshim par mdzad/ de nas lo phyi ma shing mo phag dbyar lhag pa'i zla ba