[A:43b]sems kyi bdag nyid dngos/ /dang po chos nyid gdan du bya/ /'byung ba rlung la sbar zin bya/ /gtum mos me drod rab tu bskyed/ /byang chub sems rgyun dbu mar bzhugs/ la sogs 'byung ba dbang du 'du/ /ye shes lnga ni mngon gyur nas/ /'chi ba med pa'i gnas thob bo/ /zhes gsungs pas phyi nang gi rten 'brel thams cad thugs su chud do/ /yang 'di'i ngo mtshar ba'i rnam thar ni/ rgya gar du 'jigs byed kyi bskyed rim gsal zhing / rdzogs rim dang lhag bsam dang bral ba zhig tshe'i dus byas nas/ dbu dgu'i dod wa ba dgu brtsegs byas pa'i 'dre gdug pa can cig tu skyes/ de nyid kha che paN chen bod du byon pa'i rjes la 'brangs te/ su gang gis kyang bzlog par ma nus pa'i tshe/ paN chen sa skyar phebs pa'i skabs su rje pas rdo dril bsnams nas bsu ba la byon/ 'gab 'brangs de mkhyen nas rdo dril nam mkhar bzhag nas bskrad pas/ rgya gar la yang ldog ma nus pa rgya nag la song bas/ deng sang rgya nor kham che tsam gyi rjes la myul ba de'o/ /yang skabs shig tu rje btsun gzims spyil dkar por thugs dam la bzhugs dus/ chos rje la paN chen gyis khyod kyi khu bo ci byed kyin yod gsungs/ thugs dam la zhugs zhus pas/ rang re bltar 'gro gsungs/ bdag gi sngon la phyin lags kyis zhus pas/ mnyam du 'gro gsungs nas rje pas gsang ba 'dus pa'i bdag bskyed tshar nas mdun bskyed kyi mchod bstod mdzad pa'i thad du phebs/ /rje pas phyag mdzad snyam bzhengs/ rdor dril cog tse khar bzhag dgongs tsa na bar snang la khrol le