[A:3a]dang / /gang de'i thugs sras 'jam dbyangs sku mched la/ /snying nas thal sbyar gus pas phyag 'tshal lo/ /khyad par sngags 'chang rgyal ba'i rgyal tshab mchog /'dzam gling mdzes pa'i rgyan gcig sems dpa' che/ rgyal ba rab 'byams ma lus bskyed pa'i yab/ /mnyam med bka' drin can la gus btud nas/ /'dzam gling byang phyogs thub pa'i rgyal tshab mchog /sa skya pa yi gdung rabs byon tshul gyi/ /rnam thar ngo mtshar rin chen bang mdzod 'di/ /'chad par 'gyur gyis don gnyer dga' bas nyon/ /ces mchod par brjod cing bshad par dam bcas nas nyan par gdams te/ 'dir 'dzam gling byang phyogs kyi thub pa'i rgyal tshab chen po dpal ldan sa skya pa'i gdung rabs rin po che ji ltar byon pa'i tshul gyi rnam par thar pa ngo mtshar rin po che'i bang mdzod dgos 'dod kun 'byung