[A:18a]sgyi chu ba yang rje 'di la thugs gtsigs che skad do/ /de tsa na mdog stod du chos 'khor cig la bla ma se byon zer ba thos pas/ bla chen de ltad mo la sogs pa la mi dges kyang bla ma se bzang po yin pa dang / chos dbar yin pas sgyi chu ba'i slob ma ban chung 'ga' dang 'grogs te der byon pas/ bla ma se gral mgo na bzhugs 'ad 'ud mang po gsung gin 'dug pa dang mjal ba na/ bla ma se mkhar chung pa'i rje'i grogs po tsho la re re nas jo sras nyid yul gang yin/ yon tan ci shes/ bshad pa mno 'am/ bsgrub pa bya mno gsungs shing / de nas bla chen la jo sras khyed gang nas yin gsungs pas/ bla ma 'di'i bdag grom phug pha gi ba cig lags zhus pas/ /de'i yab gang na yod gsungs pa la/ sa skya na bdog byas pas/ se ston gyi zhal nas 'o na de na nga'i bla ma cig yod pa yin te sku ni gshegs yod par 'dug nga la khral 'dod pa cig kyang ma byung / da ni ba ri ba yam bya ba cig gis bzung 'dug zer ba thos pas 'gro snying yang ma 'dod/ da de'i shul na ji ltar yod gsungs pas/ rje 'dis de'i bu'i dod cig ka bdag cag lags byas pas/ bla ma na re/ jo sras kyi brdzun ma zer/ nga'i bla ma la sras mi mnga' ba yin gsungs pa dang / rdo rje phyug mo la med pas bla chen gyis lan 'debs ma nus pa la/ grogs kun gyis rgyu mtshan bshad de/ rdo rje phyug mo la med kyang logs su zhang mo bya ba la 'di ltar byon pa lags byas pas/ bla ma'i zhal nas mi gson shi mi 'phrad zer te 'phrad pa'i dus byung gsungs nas/ bla chen