[A:167a]brtan pa/ gcen po 'jam dbyangs don yod rgyal mtshan/ yab bdag nyid chen po ste bka' drin che ba'i bla ma lnga po 'di ma gtogs gzhan thams cad kyang slob mar gyur te/ de thams cad kyis kyang bla ma'i mchog tu 'dzin cing gtsug tu bkur bar byed do/ /yang rtsod pa gnam lcags kyi rigs pas log rtog gi ri bo bsnyil ba'i tshul ni/ lung dang rigs pa'i grub pa'i mtha' kun la/ phyir rgol mkhas shing mkhas par grags pa kun gyis shin tu dka' ba'i gnas ji ltar dris pa'i lan rnams kyang myur zhing gsal la blo yul du 'bab pa/ yid ches kyi lung dang dngos stobs kyi rigs pa dang bcas gsungs shing / bde bar gshegs pa'i grub pa'i mtha' la log par rtog pa dang / ma nges par smra ba rnams blo gros mtshungs pa med pa'i rnam dpyod kyis zil gyis mnan cing tshar bcad nas/ phyin ci ma log pa'i grub mtha' la 'god par mdzad pa zhig yin la/ rtsom pa nor bu'i phreng bas mkhas pa rnams kyi mgul pa brgyan cing yi rang bar mdzad pa ni/ rgyas pa'i bstan bcos tshad ma rnam 'grel gyi TI ka rgyas 'bring bsdus gsum/ mngon rtogs rgyan gyi TI ka rgyas bsdus gnyis/ de'i lhan thabs kyi mdo sbyor cig spyod 'jug gi TI ka sa bcad dang bcas pa/ mdo sde rgyan dang / rgyud bla ma gnyis la TI ka sa bcad dang bcas pa re re/ 'byed rnam gnyis la TI ka re re/ rigs pa drug cu pa/ stong nyid bdun cu pa/ rtsod pa bzlog pa/ zhib mo rnam dag rnams la TI ka sa bcad dang bcad pa re re/ bshes spring gi TI ka sgra'i bstan