[A:120a]byon nas chos gsungs pas 'jam dpal nyid bla ma yin/ de nas bsgom gyin bslab btus rgyal ba'i bka' la brten nas brtsams/ de'i 'grel par spyod 'jug dbugs thog gcig la gsungs pa la tshigs su bcad pa bdun brgya pa gcig stong tham pa gcig stong bzhi bcu pa gcig rgyas bsdus gsum du zin nas byung ba la/ gang dag zhus pas stong pa dag gsungs/ bslab btus bya ba ci la zer zhus pas/ nga'i gzims khang na shog ril du bris nas yod gsungs/ de rnams la yang ming 'di yin mi gsungs pa gda'/ mdor na chos 'di gnyis 'jam dpal gyi gsung dngos dang 'dra ba dang / slob dpon la byang chub kyi thugs khyad par du 'phags pa mnga' bas sems can la phan che ba dang dar ba 'di byung ba yin gsungs nas/ chos rje pa'ang thugs gtsigs shin tu che gsungs/ gsang sngags 'di sde snod gsum gang gi khongs su gtogs zhus pas/ sems 'dul bar byed pa mthar thug pa sngags yin pas 'dul ba'i khongs su gtogs bya ba dang / man ngag mngon par rtogs pa'i rgyud kun nas nang gi mngon pa bya bar ming btags pa dang / yang / mdo sde 'di yi gzi brjid kyis/ /mdo sde 'di ni mnyan byas na/ /zhes pa la sogs pa mdo sder ming btags pa'ang mang bar gda'/ sngags theg pa mtho bas sde snod gsum sus thob byas pa'i bzhad du gda'/ chos rje pa mdo sde'i khongs su sdebs gsungs/ sngags gsar rnying gi khyad par gang yin zhus pas/ 'gyur snga phyi yin gsungs/ yi ge drug pa 'di bod skad