[A:10b]phyi rten bzhengs/ de'i nang du seng ldeng gi phur pa byin rlabs can cig bzhugs su bcug bra bo lung par dgon chung cig btab nas lo 'ga' bzhugs pas de la sa skya gog por grags so/ /de'i tshe dpon slob rnams kyis skyo sangs la byon te ri kha nas gzigs pas/ dpon po ri glang po che nyal ba 'dra ba'i mkhal khung g.yas pa'i thad nas dkar zhing snum pa/ chu g.yas su 'bab pa la sogs pa bkra shis dang dge mtshan du ma dang ldan par gzigs nas/ 'dir dgon pa gcig btab na bstan pa dang sems can la phan pa rgya chen po 'byung ba 'dug snyam du dgongs te/ de skor gyi sa cha spyi'i bdag po jo bo gdong nag pa bya ba yod pa de la zhus pas kyang gnang / sgos kyi bdag po zhang gzhung gu ra ba dang / bande grong bzhi/ lha mi grong bdun bya ba yod pa de rnams la/ nga 'dir dgon pa cig byed 'dod pas khyed rnams la 'gal ba mi 'ong na khyed rnams la rin cig kyang 'jal bas sa cha 'di nga la byin na ji ltar legs gsungs pas/ rin ye mi 'tshal cis kyang mdzad par zhu zer nas phul ba la/ bla mas 'on kyang phyi rabs tshun chad la 'thad pa yong gsungs nas rgod ma dkar mo gcig nor bu'i phreng ba/ mo gos gcig la sogs pa gnang nas/ mon grog man nas 'bal grog yan bla ma bdag par byas nas/ bla ma 'di dgung lo bzhi bcu bzhes pa sangs rgyas kyi bstan pa lnga brgya pa phrag bcur gnas pa'i nang nas/ phrag bdun pa mngon pa'i dus kyi lnga brgya'i steng nas lo nyis brgya dang bdun lon pa chu mo glang gi lo khrums kyi zla ba'i yar tshes la bod kyi rdo rje gdan dpal ldan sa