[A:82a]nu la rtsom pa dang / 'chad pa mang po mdzad/ mngon par shes pas 'jig rten thams cad gzigs nas/ 'khor dad ldan 'bum phrag du ma grol bar byas nas/ de'i dus su ngas dbang bskur ba dang chos 'brel byas pa tsam thams cad nga'i 'khor du 'ong bar 'dug gsungs pa'i tshig kyang yod/ sku tshe'i tshad kyang yod pa brjed zin/ de nas sku tshe 'phos nas sangs rgyas dri ma med pa'i dpal zhes bya bar sku skye ba bzhes nas sems can gyi don mdzad par 'dug gsungs/ rje btsun pas birWa pa la de ltar lags sam gsungs/ slob dpon gyis de yin gsungs/ nag po pas kyang de yin gsungs nas mthun 'gyur mdzad/ de nas bdag la tshogs kyi mchod pa shoms shig gsungs nas bsham mo/ /de nas zab mo'i lam la nan tan du mdzad pa'i stobs kyis gsang ba'i gnas bltar mi mngon pa dang / dbu'i gtsug tor gsal por 'phags pa dang / smin mtshams kyi mdzod spu dung ltar 'khyil ba la sogs pa'i sku yon tan dang ldan par gyur to/ /zla ba bcu gcig pa'i yar tshes bdun la sprul pa'i lha khang na 'tshogs tshad kyis thos pa'i sgra sna tshogs pa'i rol mo grag kho bos rgyu mtshan ci lags zhus pas/ khyed thams cad gsol ba 'debs pa la brtson par gyis gsungs/ lam pha rol tu phyin pa'i lugs la mgo dang rkang lag bdog pa thams cad btang bas kyang / dbang bskur ba mchog thob pa'i bla ma la mos gus dang zhabs tog skad cig tsam byas pa bsod nams che gsungs/ yod tshad bla ma rang la phul bas de'i dus bdag la