[A:211]སོས་vc: 1506བྱམས་སྐུའི་རྒྱབ་ཡོལ་རྒྱན་དྲུག་གི་བཟོ་མཐར་ཕྱིན་རྗེས། སྤྱི་ཆོས་དུས་བྱ་རྒོད་ཕུང་པོར་བཀའ་ཞལ་ལ། རང་རེའི་འདིར་ཡང་ལམ་འབྲས་བརྒྱུད་པ་རྣམས་བཞེངས་དགོས། གཞན་རྣམ་པས་ས་སྐྱ་པ་མིན་ཞེས་ལབ་ཀྱི་ཡོང་འདུག་གོ༎
ལར་ལབ་པ་རང་ལ་སྙིང་པོ་ཅི་ཡོད། གློ་བོ་པ་མང་ཇ་སྐོལ་མི་འདྲ་ལ་གླེང་བསླང་བྱས་པས་ཁོང་ལ་ལ་དག་ཆོས་རྗེ་བོ་དོང་པ་ཐམས་ཅད་མཁྱེན་པ་ཕྱོགས་ལས་རྣམ་རྒྱལ་བ་ཀླུ་དཀར་རྒྱལ་གྱི་སྐྱེ་བ་ཡིན་ལོ། རྒྱུ་མཚན་དྲིས་པས་ཆོས་འཆད་དུས་མེ་ཏོག་གི་ཆར་བབ་པས་ཟེར། གློ་བོ་སྟེང་ཆེན་ན་བོ་དོང་པའི་རྣམ་ཐར་ཞིང་བཀོད་དུ་བྲིས་པ་ཐམས་ཅད་ཆུ་དྲོན་མོས་བཀྲུས་སོ༎ ཨ་ཙ་མ་ཆོས་སྤོང་གི་ལས་ཞེ་རང་འཇིགས་སོ༎
ལར་རང་སུས་སུའི་བརྒྱུད་པ་འཛིན་དང། བླ་མ་སུའི་བྱིན་རླབས་སུ་ལ་ཞུགས་དང། བརྒྱུད་པ་སུ་རྣམ་པར་དག་རང་ཆ་ག་ལ་ཡོད་དེ། ཆོས་སྲས་ཁའི་རལ་རུལ་ཡོ་བསྡུས་པའི་ཁ་ཟེག་བོན་གྱེར་ལ་བརྒྱུད་པ་དེད་པས་ཅི་ཕན། བློ་བཟུང་མའི་ཆོས་ལུགས་ལ་རྡོ་རྗེ་འཆང་ལ་བརྒྱུད་པ་སྙེག་པ་ཡིན་ནོ༎
ངེད་ལ་ཆོས་དང་ཆོས་བརྒྱུད་གཉིས་ཀ་མི་བར་དུ་ཁྱི་མ་ཚུད་པ་ཡོད་པས། རྡོ་རྗེ་འཆང་ཡན་གྱི་བརྒྱུད་པ་རེ་བཞེངས་པ་ཡིན་གསུང་ནས། སྔོན་ཆོས་རྒྱལ་མེས་དབོན་གྱི་སྐབས་ཀྱི་ལྡེར་བཟོ་ལྟར་སྐུ་རྒྱུ་སྨན་དར་ལས་བསྒྲུབས་ཤིང། གྲང་གསེར་གྱིས་བྱིལ་མོར་བྱུགས་པའི་བརྒྱུད་པ་དངོས་བྱོན་རྣམས་རིམས་གྱིས་བཞེངས། མཐར་དྲུང་ཆེན་སངས་རྒྱས་སེང་གེ་བས་ད་ལོ་རྗེ་དྲུང་ཐུགས་ཀྱང་ན་ནིང་ཚོ་དང་མི་འདྲ་བའི་ཐུགས་ངང་ཐུང་ཙམ་དང། ཚོགས་སུ་ཡང་ཅལ་ཅོལ་མང་པོ་གསུང་བའི་བློ་མ་བདེ་བས། སྐུའི་རིམ་གྲོ་ལ་དམིགས་ནས་སྔར་ཡང་སྐུ་ཚེ་སྤེལ། ཞལ་གཟིགས་པའི་རྒྱུན་ཡིན་པས་རྗེ་བཙུན་མ་སྒྲོལ་མ་རྣམ་པར་རྒྱལ་མའི་སྐུ་ཅིག་ཀྱང་ཅི་ནས་བཞེངས་དགོས་པར་སྣང་ཟེར་ནས་བཞེངས་པའི་ཉིང་གཅིག་ལས་ར་དེར་