[A:189]གནས་པའི་གཟི་བྱིན་ཕེབས་ཤིང། དེ་ཕྱིན་བྲམ་ཟེའི་གཟུགས་ཅན་དེའི་སྐུ་ལ། སྔར་མེད་པའི་སྨེ་བ་ནག་པོའི་ཕྲེང་བ་སྟར་ལ་བརྒྱུས་པ་དང། སྐུའི་ཞལ་གདོང་རྔུལvc: or: rdul?རིས་དང་ལྡན་པ་ལྟར་མི་བཟོད་པའི་ཟིལ་ཆེན་རྒྱས་པ་འདི་བྱོན་པ་ཡིན་ལ། དེ་ནས་དེའི་དབྱར་བཞུག་དེ་རང་ལ་ཤངས་ནས་རྣལ་འབྱོར་དབུ་ལེགས་གྲུབ་ཆེན་བསོད་ནམས་རྒྱལ་མཚན་པ་བྱོན་ཏེ། པཎ་ཆེན་རིན་པོ་ཆེའི་དྲུང་དུ་བདག་གི་ཉམས་སྣང་ལ་ཁ་སང་རབ་གནས་གནང་བའི་ཉིན་མོ་དཔ་ལྡན་ས་སྐྱའི་བཀའ་སྲུང་སྡེ་ཚོགས་གསེར་མདོག་ཅན་དུ་འགྲོ་ཟེར་སོང་བ་ལ། སླར་དཀར་བདུད་ལྕམ་དྲལ་དང། དུར་ཁྲོད་བདག་པོ་གཉིས་ངེད་ལ་སྡོད་རྟེན་ཅིག་མ་བཞེངས་འདུག་པས་ལོག་ཡོངས་ཟེར་བྱུང་བས། རང་རེའི་མགོན་ཁང་དུ་དཀར་བདུད་དང། དུར་ཁྲོད་བདག་པོ་ཞིག་ཀྱང་འབྲི་དགོས་པ་འདུག་ཞུས་པས། དེ་ཀ་བགྱི་གསུང་ནས། སྨན་ཐང་པ་ནང་པ་ལྷུན་གྲུབ་པས་ཕྱག་བྲིས་སུ་མཛད་ནས། དཀར་མོ་ཉི་ཟླ་བདུད་རྒྱལ་ཐོད་ཕྲེང་ཅན། དཔའ་བོ་དུར་ཁྲོད་བདག་པོ་ཡབ་ཡུམ་རྣམས་གྱེང་རིས་སུ་གནང་ངོ༎
དེའི་ཕྱི་ལོ་མེ་ཕོ་འབྲུག་ལོ་vc: 1496ལ་ཡང་ཚོགས་པ་ཕལ་ཆེ་བ་ལ་གསུང་ངག་རིན་པོ་ཆེ་གནང་ཞིང། དེ་གྲོལ་རྗེས་ཆོས་རྗེ་འཕྲང་པོ་བ་བྱོན་ནས། ཐེག་ཆེན་ཆོས་ཀྱི་རྒྱལ་པོ་ནས་སྤྱང་ལུང་རིན་པོ་ཆེ་ལ་བརྒྱུད་པའི་ལམ་འབྲས་ཞུ་བ་རང་ལ་དབུས་ནས་ཞབས་གཏད་ཕེབས་ཚུལ་ཕུལ་བས། བཀའ་ལུང་ལ་ཐེག་ཆེན་ལུགས་ཀྱི་ལམ་འབྲས་ཡོངས་རྫོགས་ཆ་ལག་ཚུན་རང་ཆོས་སྡིངས་སུ་སྤྱང་ལུང་རིན་པོ་ཆེ་ལ་ཐོབ། དེ་ཕྱིན་ལམ་དུས་ཐུན་བཞི་འཆག་མེད་བྱས་ཤིང། དེ་དུས་ཚིག་འདོན་དེ་དཔལ་ལྡན་བླ་མ་དམ་པས་མཛད་པའི་ཀྱེ་རྡོར་མངོན་རྟོགས་དེ་རང་ཡིན་པས། ངོར་ཚོར་ལམ་འབྲས་རྗེས་ནས་ཞུས་དུས། རྗེ་རྡོ་རྗེ་འཆང་ལ་ངེད་ཀྱི་ད་ལྟ་ཁ་བཏོན་གྱི་ཀྱཻ་རྡོར་མངོན་རྟོགས་འདི་བླ་མ་དམ་པའི་ལུགས་ཡིན་པས། ངོར་ཚོར་ཡོངས་གྲགས་བགྱིད་