[A:186]ཆ་བཞག་ནས་བསྒྲུབས་སོ༎
དེའི་ཚེ་གཏན་ཙིགས་སུ་གཞལ་བ་ཡང་བཞེད་ལུགས་རྣམས་གྲངས་མང་བར་སྣང་ཡང། དཔལ་ལྡན་ས་སྐྱ་པའི་རྗེས་སུ་འབྲངས་ནས། ཤིང་མོ་ཡོས་ཀྱི་ལོ་vc: 1495འདི་ཡན་ལ་སྟོན་པ་སྐུ་བལྟམས་ནས་ལོ་སུམ་སྟོང་དང་བདུན་བརྒྱ་ཐམ་པ་ལོན། མྱ་ངན་ལས་འདས་ནས་བསྟན་པ་ལོ་ལྔ་སྟོང་དུ་གནས་པར་འབུམ་ཊཱིཀ་ལས་གསུངས་པ་དེའི་དབང་དུ་བྱས་པའི་ལུང་གིས་དུས་ཀྱི་མངོན་པའི་དུས་ལྔ་བརྒྱ་པ་ཕྲག་གཅིག་ཐལ་ནས། མདོ་སྡེའི་དུས་ཀྱི་མགོ་ཚུགས་ནས་ལོ་བརྒྱ་དང་ཉི་ཤུ་ཙམ་གྱི་དུས་སུ། མདོ་སྡེའི་ལྷག་འབྱུང་འགྱུར་སུམ་བརྒྱ་བརྒྱད་ཅུ་ཙམ་དང། འདུལ་བའི་དུས་ལྔ་བརྒྱ་པ་ཕྲག་གཅིག་དང། རྟགས་ཙམ་འཛིན་པའི་ལྔ་བརྒྱ་པ་ཕྲག་གཅིག་ལྷག་མར་འབྱུང་ལ། དུས་ཀྱི་འཁོར་ལོའི་ལུགས་ཀྱི་དངོས་བསྟན་དེ་ཉིད་ལ་འདྲི་བསྣན་མེད་པར་བྱས་པའི་ཚེ། ལོ་ཙ་བ་ནམ་མཁའ་བཟང་པོས་བྱས་པའི་ཡི་གེ་ན།
གདེངས་ཅན་རི་བོ་ལག་མིག་ལ༎
ཁྲོ་མོ་ལ་སོགས་འདས་ལོ་བསྲེ༎
དེ་ནི་དོན་གྲུབ་བལྟམས་པ་ནས༎
ད་ལྟའི་བར་གྱི་འདས་པའི་ལོ༎
ཞེས་འབྱུང་ལ། དེ་གཞིར་བྱས་ནས་སྔར་ལུགས་གསུམ་གསལ་བའི་མེ་ལོང་དུ།
ས་མོ་གླང་གི་ལོ་ཡན་དུ༎
འབྱུང་བ་དུས་དང་མེ་མིག་ལ༎
ཀུན་དགའ་ལ་སོགས་འདས་ལོ་བསྲེ༎
དེ་ནི་དོན་གྲུབ་བལྟམས་པ་ནས༎
ད་ལྟའི་བར་གྱི་འདས་པའི་ལོ༎
ཞེས་གསུངས་པ་དེ་སྟེངས་སུ་ལོ་ཉི་ཤུ་རྩ་དྲུག་བསྲེས་པས། འབྲས་བུའི་དུས་ཀྱི་ལྔ་བརྒྱ་པ་ཕྲག་གསུམ་དང། སྒྲུབ་པའི་དུས་ཀྱི་ལྔ་བརྒྱ་པ་དང་པོ་ཐལ་ནས། ལྔ་བརྒྱ་པ་ཕྲག་གཉིས་པའི་ནང་ན་ཡོད་པས་འབྱུང་འགྱུར་ལ་སྒྲུབ་པའི་དུས་ཀྱི་ལྔ་བརྒྱ་པ་ཕྲག་གཅིག་དང་བརྒྱ་ལྷག་ཙམ་དང། ལུང་གི་དུས་ཀྱི་ལྔ་བརྒྱ་པ་ཕྲག་ཐམས་ཅད་ལྷག་མར་གནས་ཤེས། ཆོས་འཁོར་དེབ་ཐེར་མཛངས་པ་དགའ་བྱེད་ཉིད་དུ་ཇི་ལྟར་འགོད་པར་མཛད་པ་ལྟར་འདིར་བཀོད་པ་