[A:184]ཞིབ་ལེན་ངག་འདོན་ཉུང་ངུ་རྣམ་གསལ་དུ་ཕྱེ་བའི་བཤད་པ་སྤུས་གཙང་བ་བཀའི་བསྡུ་བ་སང་སང་པོར་སྒྲོག་པ་དང། ཡང་བཤེས་གཉེན་བློ་གསལ་བ་སྤོབས་པ་ཆུ་བོའི་གཞུང་ལྟ་བུར་གྱུར་ཅིང། ངག་ལྕེ་བདེ་བ་དག་གིས་བསྟན་བཅོས་ལུས་གུབ་ཡི་གེར་འཁོད་ཟིན་པའི་རྗོད་བྱེད་ཀྱི་ཚིག་དབུ་ཞབས་གཙང་སིང་བར་ཚོགས་ཀྱི་དབུས་དེར་བཤོར་བ་སོགས་དམ་པའི་ཆོས་ཀྱི་དཔལ་སྤོམ་ཆེན་པོ་ཡང་དག་པའི་རོལ་རྩད་ཀྱང་བསྒྱུར་བར་མཛད་ལ། དེ་སྐབས་ངལ་བསོའི་ཇ་མཚམས་སོ་སོར་པཎ་ཆེན་རིན་པོ་ཆེ་ཉིད་ཀྱི་ཞལ་ནས་སྟོན་པའི་ཆོ་འཕྲུལ་བསྟན་པའི་མདོ་ཚིག་ཚེས་གང་དང་གང་ལ་བབ་པ་དེ་གསུངས་ཤིང། ཚེས་བཅུ་མན་གྱི་ཉི་མ་ལྷག་དེ་དག་ལ་ལུང་རིགས་ཀྱི་འགལ་འབྲེལ་དང། གཞན་གྲུབ་མཐའི་སྐྱོང་ཚུལ་སོ་སོའི་དབང་ལས་ཁུངས་དང་འབྲེལ་བ་དང། དེ་ལས་གཞན་གྱིས་ཀྱང་རིགས་པའི་འགལ་སྤོང་རང་རང་གི་བློའི་འཕྲུལ་ལས་འོངས་པ་དག་རྩོད་པའི་ངག་སྒོར་བྱུང་སྟེ། རིགས་པ་ཡང་དག་པར་མཚོན་པའི་ཐལ་བའི་འགྱུར་བ་བརྗོད་པའི་ལུས་གང་དང་ལྷན་ཅིག་ཏུ་སྐད་སང་སང་པོས་སྒྲོག་པའི་ཐ་སྙད་བགྲོ་གླེང་དུ་སྨྲ་བས་དུས་འདའ་བར་གྱུར་ཏོ༎
དེར་སེང་གེ་རྩེ་ནས་བར་སྟོན་ཞུ་བ་དང་དུས་མཚུངས་གྲལ་ཚེས་བཅོ་ལྔ་ཉ་གང་བའི་ཆ་ཤས་རྫོགས་པའི་ཉིན། མཐུན་པའི་གསོ་སྦྱོང་ལ་བསླབ་པ་གསུམ་གྱི་དཔལ་འཛིན་པའི་འདུས་པའི་ཚུལ་ལྡན་དགེ་འདུན་གྱི་ཚོགས་དེ་རྣམས་ཀྱིས་ཡོངས་སུ་བསྐོར་བའི་དབུས་སུ། དུས་བཟང་གི་མདོ་ཚུལ་ཁྲིམས་ཡོངས་སུ་དག་པའི་ཆེ་བ་ལེགས་པར་བརྗོད་ནས། སླར་ཡང་དགེ་སློང་གི་ཚོགས་གང་དག་མཆིས་པ་དེ་དག་གི་དབུས་དེར་སོ་སོར་ཐར་པའི་མདོའི་རྩོད་པ་ཞི་བར་བྱེད་པ་ཡནvc: or: yin?vc: tsheg or shad missing between this and the preceding two syllablesཔཎ་ཆེན་ཆོས་ཀྱི་རྒྱལ་པོ་ཉིད་ཀྱིས། ངང་པའི་སྒྲ་དང་སེང་གེའི་ང་རོར་ཡོངས་སུ་སྒྲོག་པར་མཛད་ཅིང། ཚེས་བཅུ་དྲུག་ནས་བཟུང་