[A:179]ཏེ་གྲགས་པས་འཛམ་གླིང་མ་ལུས་པ་ཁྱབ་པར་གྱུར་ལ། ཕྱིས་པཎ་ཆེན་རིན་པོ་ཆེའི་ཞལ་སློབ་ཆེ་ཕྲ་ཡོངས་ཀྱིས་བླ་མར་བཀུར་ཞིང་ཞབས་ཀྱི་པདྨོ་སྤྱི་བོས་མཆོད་པར་བགྱིད་དོ༎
སླར་པཎ་ཆེན་རིན་པོ་ཆེ་དགུང་ལོ་བདུན་ཅུ་དོན་ལྔའི་སྐབས་སུ་ཕེབས་དུས་ཀྱང་གླང་ཐང་ཚོར་མཇལ་བ་ལ་ཕེབས། ལམ་སྐོར་ཕྱི་མ་བརྒྱད་གསན་ཞིང། བསྡུས་དོན་གྱི་ཡི་གེ་ཡང་ཞུས། དེ་དུས་དྲུང་ཆེན་སངས་རྒྱས་སེང་གེ་བ་དང་དྲུང་ཡིག་ཆོས་རྒྱན་པ་སོགས་ཕྱག་གཡོག་ཀུན་ལ་བྱིན་རླབས་ཞུ་བ་གནང་ཞེས་བརྫུན་མེད་ལས་ཐོས་སོ༎
ཚུལ་གནས་ཐོས་པའི་ལང་ཚོ་རྒྱས་པའི་བཞིན༎
ཆོས་ཅན་དག་པའི་དབྱིངས་ཀྱི་མཛའ་བོ་པ༎
ལེགས་བཤད་གཏམ་གྱི་སྐྱེས་ལ་མངོན་སུམ་དུ༎
དགའ་བའི་མཛུམ་མདངས་མི་གཡོ་སྲིད་འདིར་སུ༎
ཆེན་པོའི་ཁེངས་པས་སློབ་གནས་སྤངས་པའི་དཔེ༎
རྒྱ་ཆེན་ཡི་གེའི་ངལ་བས་ཡིད་གཡེངས་པ༎
སྣ་ཚོགས་རང་གཞན་བརྗོད་ཚིག་འཁྲུལ་པའི་བློའི༎
མུན་པའི་གློང་དེ་མཁས་པའི་སྒྲོན་མེས་བསལ༎
ཡིག་འབྲུའི་ཚོགས་པས་སེམས་མགུ་དྲེགས་ལྡན་རྣམས༎
ལུང་རིགས་གཞལ་བྱས་དཔྱད་ཚེ་སྨྲ་བ་བྲལ༎
ཅི་ལབ་ཁུངས་ཀྱིས་ཕོངས་པའི་ཟོལ་སྦྱོར་ནི༎
བསྒྲུབས་ལ་གཞོལ་བར་འདོད་པའི་ཚིགvc: or: chig?གིས་སྒྲིབ༎
དཔྱོད་ལྡན་རིགས་པའི་མཚོན་ཆའི་འཁོར་ལོ་པ༎
ལུང་ཚིག་བརྩོན་པའི་ཆོས་གྲྭ་ཆེར་བཞུགས་ནས༎
རྣམ་འགྱུར་མི་འདྲའི་རང་གཞན་གྲུབ་མཐའི་སྲོལ༎
དགག་བསྒྲུབ་ཚུལ་བརྒྱ་ཤེས་དེ་མཁས་པ་ཡིན༎
བསྒྲུབ་དང་སུན་འབྱིན་རིགས་པའི་ན་ངོ་པ༎
གསང་སྔགས་བཟླས་པའི་ནུས་མཐུ་མངོན་གྱུར་པ༎
གནས་དོན་ཕྱག་རྒྱ་ཆེ་ལ་དབང་བསྒྱུར་བ༎
ཁྱེད་ལ་མཚན་དུ་ཇི་ལྟར་སྦྱོར་མ་ཤེས༎
རྒྱ་ཆེན་གཙུག་ལག་རྒྱལ་བའི་སྐུ་གཟུགས་དག༎
དཔེ་བྲལ་བསྒྲུབས་པའི་མཛད་པས་སྐྱེ་དགུ་ཚིམ༎