[A:151]དགག་དབྱེ་གྲུབ་ནས་མཁར་རྩེ་གླང་ཐང་དུ་རིམ་གྱིས་ཕེབས། སྤྱན་སྔ་བློ་གྲོས་པའི་དྲུང་དང། མཁན་སློབ་དགུང་བསྒྲིགས་གནང་ནས་སྔར་གྱི་ཁ་སྐོང་དུ་དམིགས་པའི་མཐུས་བཙུན་སྟོབས་ཆེ་བ་རབ་བྱུང་གྲུབ་རྗེས་ཆོས་འཁོར་རྩེར་སློབ་གྲྭ་གསར་པའི་རྒྱུན་ལ་འདྲེ་བ་གནང་ཞིང། གླང་ཐང་ན་པཎ་ཆེན་རིན་པོ་ཆེ་གདན་ཆགས་པའི་སྐབས་དེར། དྲིན་ཅན་སྤྱང་ལུང་པ་དགུང་ལོ་ཉེར་གཅིག་བཞེས་པ་གསང་ཕུ་ན་ཐུགས་སྦྱོང་ལ་བཞུགས་པས། གསན་འཕྲལ་རྐང་བཙུགས་ཕེབས་པས། ལྷ་ས་ནས་སྒོ་ལ་ལ་གནང་ཅི་མྱུར་རང་མཛད་པས། གསོལ་གྲོ་ཐོན་རྗེས་ཕྱག་ན་རྡོ་རྗེ་འབྱུང་པོ་ཀུན་འདུལ་གྱི་རྗེས་གནང་ཞིག་གནང་བའི་དབང་མི་རྣམ་ཀྱང་གཟིམས་ཁང་སྒོར་འགྲིག་ཙམ་ལ་སླེབ་ནས། དྲུང་ཡིག་ཆོས་རྒྱན་པ་ལ་རྒྱུ་མཚན་ཕུལ་བས་དེ་འཕྲལ་ཤོག་གསུང་ནས་ཕེབས། ཕྱག་མཇལ་ལ་གསང་ཕུར་མངའ་རིས་པ་འདྲས་འགྱེད་ལ་བྱུང་བའི་གུ་གུལ་ཉག་གང་ཙམ་ཡོད་པ་ཕུལ་བས། པཎ་ཆེན་རིན་པོ་ཆེའི་བཀའ་ལུང་ལ་རང་རེའི་སྤྱང་ལུང་དབོན་ཆུང་གདོན་སྟེངས་སུ་ཤོར་ཆོག་པ་ཞིག་ཡོད་པ་སྣང་ངོ་གསུང་ནས། སྔར་ནས་ཆོས་རྗེ་དགས་པོའི་ལོ་རྒྱུས་རྒྱས་བཤད་དང་བཅས་ནས་རྗེས་གནང་གནང། འདི་དྲིན་ཅན་སྤྱང་ལུང་པས། པཎ་ཆེན་རིན་པོ་ཆེ་ལ་བཀའ་ཆོས་གསན་པའི་ཐོག་མ་རང་ཡིན། དེར་རྒྱ་མ་པའི་ཞལ་ངོ་རྣམས་དང། མདུན་གྲོང་ནང་སོ་སོགས་འགའ་ལ་ནཻ་གུ་གཅིག་གནང་བའི་དབུ་བཙུགས་ཙམ་འདུག་པ། དྲུང་ཡིག་ཆོས་རྒྱན་པ་ལ་ཞུ་བ་བསྐུར་བས། ད་ལྟ་སློབ་གཉེར་སྐབས་ཡིན་པས་གཏན་ནས་མི་ཡོང་གསུང་མ་གནང་བས། ཐུགས་ཀྱིས་མ་བཟོད་པར་དེར་ཉིན་རངས་བཤུམས་པས། དེའི་དགོངས་ཇའི་དུས་སྐུ་མདུན་དུ་ཤོག་གསུང་ཕྱིན་པས་ནི་ནང་ཆོས་སྡིངས་སུ་ཡོངས་དུས་སྤྱང་ལུང་གདན་ས་པ་གཞོན་ནུ་དཀོན་མཆོག་པའི་གསུང་གིས། དབོན་པོ་