[A:427]དེ་ལྟར་བཞེས་ནས་རྒྱུད་འཛིན་གྱི་བུ་སློབ་དག་ལ་ལམ་གྱི་རིམ་པ་ཇི་ལྟར་མཐར་ཕྱིན་པའི་ཚུལ་ལོ༎
1
དང་པོ་ནི། གང་དུ་འཁྲུངས་པའི་ཡུལ་དང། རིགས་དང། ཡབ་དང། ཡུམ་རྣམས་ནི་རྗེ་གོང་མ་ཉིད་དང་ཁྱད་པར་མེད་ལ། རྗེ་འདི་ཉིད་ས་ཕོ་བྱི་བའི་ལོ་ལ་སྐུ་འཁྲུངས་པ་ན། ཡབ་ཡུམ་གྱི་ལུས་སེམས་བདེ་བས་ཁྱབ་པ་སོགས་ལྟས་དང་རྟེན་འབྲེལ་བཟང་པོ་བྱུང་བ་ཁོ་ནར་མ་ཟད། སྒོ་མོ་རིན་པོ་ཆེ་བཟང་པོ་དཔལ་བའི་མནལ་ལམ་དུ། ཕྱག་འཁརབཁར་གྱི་རྩེ་མོ་མཐོ་ཤོས་དེར། ཉི་མ་ལྷག་གིས་ཤར་བའི་ཚེ་ན། དུང་ཕྲ་སྦོམ་གསུམ་ཕྱོགས་སུ་བུས་པ་རྨིས། འདི་པ་ཚང་ལ་སྡེ་བདག་ཁྱད་པར་ཅན་ཞིག་འབྱོན་པའམ། ཉི་མ་ཤར་ལུགས་ལ་བལྟས་ན། སྤྱན་སྔ་ཀུན་རྒྱལ་བ་དང་འདྲ་བའི་རབ་བྱུང་ཞིག་འབྱོན་པ་ཡིན་གསུང་བར་འདུག་པ་ལ། ཡབ་དྲུང་ཆེན་གྱི་གསུང་གིས། རིན་པོ་ཆེ་བས་དེ་ལྟར་གསུང་འདུག་ཀྱང། འདི་ལྷ་སྤྱན་རས་གཟིགས་ཀྱི་སྐུ་ལ་མཛུབ་མོ་གཏད་ནས་མ་ཎི་ཟེར་གྱིན་འདུག་པས། མ་ཎི་བ་ཅིག་ཡོང་ཚོད་དུ་འདུག་གསུང་ལ། སྤྱན་སྔ་རིན་པོ་ཆེས་ཆོས་སྐྱོང་ལ་བཀའ་བསྒོ་མཛད་ནས། མཚན་ཆོས་སྐྱོང་དཔལ་ལྡན་དུ་བཏགས། དེ་ནས་རང་ལོ་བདུན་པ་ལ་ཁུ་བོ་རྣམ་གཉིས་ཀྱི་དྲུང་དུ་དགེ་བསྙེན་དང་རབ་ཏུ་བྱུང་ནས་དགེ་ཚུལ་དུ་མཛད། གནས་ཀྱི་སློབ་དཔོན་རྒྱལ་བ་ཕུན་ཚོགས་ལ་གཏད་ནས། ཚིག་ལེའུར་བྱས་པ་སུམ་བརྒྱ་པ་དང་ལྔ་བཅུ་པ་ལ་བསླབ་སྦྱང་དང་སྤྱོད་ལམ་གྱི་རིམ་པ་བསླབས། རྒྱན་རྩ་འགྲེལ་གྱི་གཞུང་ལ་བརྒྱ་ཚར་སོང་རྗེས། ཀ་བཞི་པ་བསོད་ནམས་སེང་གེས་མཛུབ་ཁྲིད་པ་མཛད་ནས། རོང་ཊིག་གི་སྤྱི་དོན་ཚིག་དོན་མཐའ་དག་ཐུགས་སུ་ཆུད་པ་དང། ཚད་མ་རྣམ་འགྲེལ་གྱི་གཞུང་བྱང་ཆུབ་པར་མཛད་ནས། རྒྱལ་གླང་གཉིས་ཀའི་ཚོགས་པ་ལ་ཆོས་གསུངས། བཤད་ཚར་གྱི་དགའ་སྟོན་དང་རྣམ་གཞག་རྒྱ་ཆེན་མཛད། དེ་ནས་བཞུགས་པའི་མཐིལ་ལོ་བཅུ་ཙམ་